നാളെ മുതൽ ബഹ്‌റിനിൽ പുതിയ യാത്രാ നിബന്ധനകൾ പ്രാബല്യത്തിൽ; ഇന്ത്യയടക്കം ഉള്ള റെഡ് ലിസ്റ്റിലുള്ള രാജ്യക്കാർക്ക് ഏർപ്പെടുത്തി നിയന്ത്രണങ്ങൾ തുടരും
ബഹ്റൈൻ അന്താരാഷ്ട്ര വിമാനത്താവളം വഴിയുള്ള പ്രവേശന നടപടിക്രമങ്ങളുടെ പുതുക്കിയ തീരുമാനങ്ങൾ നാളെ മുതൽ പ്രാബല്യത്തിൽ വരും. വിവിധ രാജ്യങ്ങളിൽ നിന്നും ബഹ്‌റൈനിൽ പ്രവേശിക്കുന്നതിനുള്ള നിബന്ധനകൾ റെഡ് ലിസ്റ്റ് ചെയ്യപ്പെട്ടിരിക്കുന്നതും അല്ലാത്തതുമായ രാജ്യങ്ങളെ രണ്ടായി തരാം തിരിച്ചാണ് നടപ്പിലാക്കുക. കൊറോണ വൈറസ്സിനെ നേരിടാനുള്ള ദേശീയ ടാസ്‌ക്‌ഫോഴ്സിന്റെ ശുപാർശയുടെ അടിസ്ഥാനത്തിലാണ് നടപടി.
ഇന്ത്യ, ബംഗ്ലാദേശ്, പാക്കിസ്ഥാൻ, ശ്രീലങ്ക, നേപ്പാൾ, വിയറ്റ്‌നാം എന്നീ റെഡ് ലിസ്റ്റിലുള്ള രാജ്യങ്ങളിൽനിന്ന് വരുന്നവർക്കുള്ള യാത്രാ നിബന്ധനകൾ മാറ്റമില്ലാതെ തുടരും. ഈ രാജ്യങ്ങളിൽനിന്ന് പ്രവേശനം ബഹ്റൈൻ പൗരന്മാർ, ബഹ്‌റൈനിൽ റസിഡൻസ് വിസയുള്ളവർ, ബഹ്റൈൻ പൗരന്മാർ എന്നിവർക്ക് മാത്രമാക്കി പരിമിതപ്പെടുത്തിയ നിബന്ധനക്ക് മാറ്റമില്ല.
ഇവിടങ്ങളിൽ നിന്ന് വരുന്ന യാത്ര പുറപ്പെടുന്നതിന് മുമ്പ് 48 മണിക്കുറിനുള്ളിൽ നടത്തിയ കോവിഡ് പി.സി.ആർ ടെസ്റ്റിന്റെ നെഗറ്റീവ് സർട്ടിഫിക്കറ്റ് ഹാജരാക്കണം. ആറ് വയസിന് മുകളിലുള്ളവർക്ക് ഇത് ബാധകമാ ണ് .സർട്ടിഫിക്കറ്റിൽ ക്യൂ.ആർ കോഡ് നിർബന്ധമായും ഉണ്ടായിരിക്കണം.എല്ലാ യാത്രക്കാരും വിമാനത്താവളത്തിൽ എത്തുേമ്പാഴും തുടർന്ന് 10ാം ദിവസവും പി.സി.ആർ പരിശോധന നടത്തണം കോവിഡ് പരിശോധനക്കുള്ള 24 ദിനാർ ബി അവെയർ ആപ്പ്, ബഹ്റൈൻ ഇ-ഗവൺമെന്റ് പോർട്ടൽ എന്നിവ വഴിയോ വിമാനത്താവളത്തിലെ കിേയാസ്‌കിൽ കറൻസിയിലോ കാർഡ് വഴിയോ അടക്കാം.
14 ദിവസത്തിനിടെ റെഡ് ലിസ്റ്റ് രാജ്യങ്ങൾ വഴി യാത്ര ചെയ്തവർക്കും പ്രവേശനമുണ്ടാവില്ല. 10 ദിവസത്തെ നിർബന്ധ ക്വാറന്റീനും തുടരും . സ്വന്തം പേരിലോ നേരിട്ട് ബന്ധമുള്ള കുടുംബാംഗത്തിന്റെ പേരിലോ ഉള്ള താമസ സ്ഥലത്തോ എൻ.എച്ച്.ആർ.എ അംഗീകരിച്ച ക്വാറന്റീൻ കേന്ദ്രത്തിലോ ആയിരിക്കണം ക്വാറന്റീൻ. ആറ് വയസിൽ താഴെയുള്ളവർക്ക് ഇളവുണ്ട്. കോവിഡ് വാക്‌സിൻ എടുത്തവരും എടുക്കാത്തവരും ഉൾപ്പെടെയുള്ള യാത്രക്കാർക്ക് ഈ നിബന്ധനകൾ ബാധകമായിരിക്കും.
റെഡ് ലിസ്റ്റിൽ പെടാത്ത രാജ്യങ്ങളിൽനിന്ന് വരുന്നവർക്ക് യാത്ര പുറപ്പെടുന്നതിന് 72 മണിക്കൂറിനുള്ളിൽ നടത്തിയ കോവിഡ് പി.സി.ആർ പരിശോധനയുടെ നെഗറ്റീവ് സർട്ടിഫിക്കറ്റാണ് ഹാജരാക്കേണ്ടത്. അമേരിക്ക, യു.കെ, യൂറോപ്പ്, കാനഡ, ആസ്‌ട്രേലിയ, എന്നീ രാജ്യങ്ങളിൽ നിന്ന് വാക്‌സിനേഷൻ പൂർത്തീകരിക്കുകയും വാക്‌സിനേഷൻ സർട്ടിഫിക്കറ്റ് ലഭിക്കുകയും ചെയ്തവർക്ക് ക്വാറന്റീൻ ആവശ്യമില്ല. ഇവർ യാത്ര പുറപ്പെടുന്നതിന് മുമ്പുള്ള ടെസ്റ്റും ബഹ്‌റൈനിൽ എത്തിയ ശേഷമുള്ള രണ്ട് ടെസ്റ്റുകളും നടത്തണമെന്നും അധിക്യതർ അറിയിച്ചു.
റെഡ്‌ലിസ്റ്റിൽ ഉൾപ്പെടാത്ത ചില രാജ്യങ്ങളിൽ നിന്നുള്ളവർക്ക് കാവിഡപരിശോധന, ക്വാറന്റീൻ എന്നിവയിൽ ഇളവുകൾ നൽകിയിട്ടുണ്ട്.ബഹ്റൈൻ ആരോഗ്യ മന്ത്രാലയം അംഗീകരിച്ച കോവിഡവാക്സിനേഷൻ സർട്ടിക്കറ്റ് നേടിയ യാത്രക്കാർക്ക്‌യാത്ര പുറപ്പെടുന്നതിനമുമ്പുള്ള കോവിഡപരിശോധനയും ക്വാറന്റീനും ആവശ്യമില്ല. ഇവർ രണ്ടഡോസവാക്‌സിനും സ്വീകരിച്ചവരായിരിക്കണം. ബഹ്റൈൻ, ജി.സി.സി, ഗ്രീസ്, സൈപ്രസ്, ഹംഗറി, ഇസ്രയേൽ എന്നിവിടങ്ങളിൽനിന്നുള്ളവർക്കാണ്ഇതബാധകം. ഇവർ ബഹ്‌റിനിൽ എത്തുമ്പോഴും തുടർന്ന് 10ം ദിവസവും കോവിഡടെസ്റ്റനടത്തണം.
