ക്വിറ്റ് ഇന്ത്യ കൊറോണ ' ക്യാംപയിനുമായി നാഷണൽ ചൈൽഡ് ഡെവലപ്‌മെന്റ് കൗൺസിൽ
കൊച്ചി: രാജ്യം ഇപ്പോൾ നേരിട്ടുകൊണ്ടിരിക്കുന്ന കോവിഡ് പ്രതിസന്ധി അതിജീവിക്കാൻ വ്യത്യസ്തമായൊരു ആശയവുമായി മുന്നോട്ടുവന്നിരിക്കുകയാണ് ദേശീയ സന്നദ്ധ സംഘടനയായ നാഷണൽ ചൈൽഡ് ഡെവലപ്‌മെന്റ് കൗൺസിൽ (എൻ സി ഡി സി ).
വ്യക്തികൾ സ്വയം എടുക്കേണ്ട സുരക്ഷാ മുൻകരുതലുകൾ, അവരുടെ കുടുംബാംഗളുടെ സുരക്ഷക്കായി ചെയ്യേണ്ട മുൻകരുതലുകൾ, അവരുടെ തൊഴിൽ ഇടങ്ങളിൽ എടുക്കേണ്ട മുൻകരുതലുകൾ എന്നീ മൂന്നു തലങ്ങളിൽ കോവിഡ് സുരക്ഷാ അവബോധം സൃഷ്ടിക്കുന്നതിനായി വെബ്‌സൈറ്റിലൂടെ 'ക്വിറ്റ് ഇന്ത്യ കൊറോണ ' എന്ന പേരിൽ ക്യാമ്ബയിന് തുടക്കമിട്ടിരിക്കുകയാണ് നാഷണൽ ചൈൽഡ് ഡെവലപ്‌മെന്റ് കൗൺസിൽ. ഒപ്പം കോവിഡ് വ്യാപനം തടയുന്നതിനായി സന്നദ്ധ പ്രവർത്തനങ്ങളിൽ ഏർപ്പെട്ടിരിക്കുന്നവരുടെ വിവര ശേഖരണവും പദ്ധതി ലക്ഷ്യമിടുന്നു
കോവിഡ് സുരക്ഷാ അവബോധം വ്യക്തികളിലും, സമൂഹത്തിലും, ദൃഢമാക്കുകയാണ് ക്യാമ്ബയിൻ കൊണ്ട് ലക്ഷ്യമിടുന്നതെന്ന് എൻ സി ഡി സി മാസ്റ്റർ ട്രെയിനർ ബാബ അലക്‌സാണ്ടർ പറഞ്ഞു.ക്യാമ്ബയിനിൽ പങ്കെടുക്കുന്നവർക്ക് പ്രോത്സാഹനം എന്ന നിലയിൽ ക്യാഷ് പ്രൈസുകളും NCD ഏർപ്പെടുത്തിയിട്ടുണ്ട്. ക്യാമ്ബയിന് തുടക്കത്തിൽത്തന്നെ മികച്ച പ്രതികരണമാണ് ജനങ്ങളിൽനിന്നും ലഭിച്ചുകൊണ്ടിരിക്കുന്നതെന്ന് ക്യാമ്ബയിൻ ചീഫ് കോർഡിനേറ്റർ ഡോ. ശ്രുതി ഗണേശ് പറഞ്ഞു.
പ്രായ ഭേദമെന്യേ ആർക്കും ക്യാമ്ബയിനിൽ പങ്കെടുക്കാം. പങ്കെടുക്കുന്നതിന് ഇതോടൊപ്പമുള്ള വെബ്‌സൈറ്റ് ലിങ്കിൽ കയറി അതിലുള്ള അഞ്ച് ച്യോദ്യങ്ങൾക് ഉത്തരം നൽകുകയാണ് വേണ്ടത്. ഏത് ഇന്ത്യൻ ഭാഷയിലും ഉത്തരം നൽകാവുന്നതാണ്.
ക്യാമ്ബയിൻ ലിങ്ക്: https://ncdconline.org/quit-india-corona-campaign-2021-ncdc
കൂടുതൽ വിവരങ്ങൾക്ക് ഈ വെബ്‌സൈറ്റ് ലിങ്ക് സന്ദർശിക്കുക: https://ncdconline.org/
