ശ്രീനഗർ: ജമ്മു കശ്മീരിൽ സ്‌പെഷ്യൽ പൊലീസ് ഓഫിസറെയും ഭാര്യയെയും ഭീകരർ വെടിവെച്ചു കൊന്നു. പുൽവാമ ജില്ലയിലെ സ്‌പെഷൽ പൊലീസ് ഓഫിസർ ഫയാസ് അഹ്മദിനെയും ഭാര്യയെയുമാണ് ഭീകരർ വെടിവച്ച് കൊന്നത്. ആക്രമണത്തിനിടെ ഇവരുടെ മകൾക്കും പരുക്കേറ്റു. ഇന്നലെ രാത്രി 11 മണിയോടെയാണ് സംഭവം. ഭീകരർ വീട്ടിൽ അതിക്രമിച്ച് കയറി വെടിവയ്ക്കുകയായിരുന്നു.

പരുക്കേറ്റ ഇവരെ ഉടൻ ആശുപത്രിയിൽ എത്തിച്ചെങ്കിലും ഫയാസ് അഹ്മദും ഭാര്യ രാജ ബീഗവും മരിച്ചു. മകൾ റാഫിയ ആശുപത്രിയിൽ ചികിത്സയിലാണ്. ഭീകരർക്കായി തിരച്ചിൽ നടക്കുന്നുണ്ടെന്ന് സുരക്ഷാ സേന അറിയിച്ചു. ഇന്നലെ പുലർച്ചെ ജമ്മുവിലെ വ്യോമതാവളത്തിൽ ഭീകരർ ആക്രമണം നടത്തിയതിനു പിന്നാലെയാണ് ഈ സംഭവം. ആക്രമണത്തിൽ രണ്ട് വ്യോമസേനാ ഉദ്യോഗസ്ഥർക്ക് നേരിയ പരുക്കേറ്റിരുന്നു.

 

ജമ്മു കശ്മീർ