ഫിലഡൽഫിയ : കോവിഡ് മഹാമാരിയുടെ മധ്യത്തിൽ മുന്നോട്ടു പോകാൻ കഴിയാതെ തരിച്ചുനിൽക്കുമ്പോൾ, വാക്സിൻ സ്വീകരിക്കേണ്ടത് വൈറസിനെതിരെ മാത്രമല്ല, ലോകത്തിന്റെ മുകളിൽ ഭയത്തിന്റെ ഒരു പുതപ്പിടാൻ ശ്രമിക്കുന്ന അന്ധകാര ശക്തിക്കെതിരേയും ആണെന്നു ഫിലഡൽഫിയായിലെ പ്രസിദ്ധ കാർഡിയോളജിസ്റ്റും, വചന പണ്ഡിതനുമായ ഡോ. വിനുജോൺ ഡാനിയേൽ പറഞ്ഞു. കണ്ണുനീർ താഴ്‌വരയുടേയും ഭയത്തിന്റേയും അനുഭവങ്ങളിലൂടെ കടന്നുപോകുമ്പോൾ തകർന്നു പോകാത്ത ദൈവ വിശ്വാസത്തിനുടമകളായി മാറണമെന്നും അദ്ദേഹം ഉദ്ബോധിപ്പിച്ചു. സങ്കീർത്തനം 84-ാം അധ്യായത്തെ അപഗ്രഥിച്ചു 273-ാം രാജ്യാന്തര പ്രെയർലൈൻ ജൂലൈ 6 ചൊവ്വാഴ്ച വൈകിട്ട് സംഘടിപ്പിച്ച യോഗത്തിൽ മുഖ്യ പ്രസംഗം നടത്തുകയായിരുന്നു ഡോ. വിനു ജോൺ.

ഐപിഎൽ കോർഡിനേറ്റർ സി. വി. സാമുവേൽ സ്വാഗതമാശംസിക്കുകയും, മുഖ്യതിഥിയെ പരിചയപ്പെടുത്തുകയും ചെയ്തു. ന്യുയോർക്കിൽ നിന്നുള്ള എം. വി. വർഗീസിന്റെ പ്രാർത്ഥനയോടെ ആരംഭിച്ച യോഗത്തിൽ ഹൂസ്റ്റണിൽ നിന്നുള്ള സുജു ചെറിയാൻ നിശ്ചയിക്കപ്പെട്ട പാഠഭാഗം വായിച്ചു. വിവാഹ വാർഷീകവും ജന്മദിനവും ആഘോഷിച്ചവരെ സി. വി. സാമുവേൽ അനുമോദിച്ചു. തൊണ്ണൂറാം ജന്മദിനം ആഘോഷിച്ച ഷിക്കാഗോയിൽ നിന്നുള്ള ടി. ജി. എബ്രഹാമിനെ പ്രത്യേകം ആദരിച്ചു. ടി. എ. മാത്യു മദ്ധ്യസ്ഥ പ്രാർത്ഥനയ്ക്കു നേതൃത്വം നൽകി. ലോകത്തിന്റെ വിവിധ ഭാഗങ്ങളിൽ നിന്നും നാനൂറിൽപരം പേർ പ്രെയർലൈനിൽ സംബന്ധിച്ചിരുന്നുവെന്നു കോർഡിനേറ്റർ ടി.എ. മാത്യു പറഞ്ഞു.

വാക്സിൻ