കൊയിലാണ്ടി: ഇറാഖിൽ കപ്പലിലുണ്ടായ തീപ്പിടിത്തത്തിൽ മരിച്ചതുകൊയിലാണ്ടി സ്വദേശിയായ 28കാരൻ. കപ്പലിലെ ജീവനക്കാരനായിരുന്ന കൊയിലാണ്ടി വിരുന്നുകണ്ടി കോച്ചപ്പന്റെപുരയിൽ അതുൽരാജ് ആണ് ജൂലായ് 13നുണ്ടായ കപ്പൽ അപകടത്തിൽ മരിച്ചത്. ഞായറാഴ്ചയാണ് അതുൽരാജിന്റെ മരണ വിവരം വീട്ടിലറിയുന്നത്.

ഇറാക്ക് എണ്ണക്കപ്പലിലെ ജീവനക്കാരനായിരുന്നു അതുൽരാജ്. പേർഷ്യൻ ഉൾക്കടലിലുണ്ടായ അപകടത്തിൽ രണ്ട് ഇന്ത്യക്കാരടക്കം ഒമ്പതുപേർ മരിച്ചിട്ടുണ്ട്. കഴിഞ്ഞ ഒക്ടോബറിലാണ് അതുൽരാജ് കപ്പൽജോലിക്കുപോയത്. കോച്ചപ്പന്റെപുരയിൽ ഉത്തമന്റെയും ജയന്തിയുടെയും മകനാണ്. സഹോദരി അതുല്യ.

മൃതദേഹം നാട്ടിലെത്തിക്കാനുള്ള ശ്രമം തുടങ്ങി.വിദേശകാര്യസഹമന്ത്രി വി. മുരളീധരനുമായും ഇറാഖിലെ ഇന്ത്യൻ എംബസിയുമായും ബന്ധപ്പെട്ടിട്ടുണ്ട്.

 

കപ്പലിലുണ്ടായ തീപ്പിടിത്തകൊയിലാണ്ടി സ്വദേശിമരിച്ചത്