ഭരണങ്ങാനം: വിശുദ്ധ അൽഫോൻസാമ്മയുടെ തിരുനാളിന് ഇന്നു തുടക്കമാകും. രാവിലെ 10.45ന് തീർത്ഥാടന കേന്ദ്രത്തിൽ പാലാ ബിഷപ് മാർ ജോസഫ് കല്ലറങ്ങാട്ട് കൊടിയേറ്റും. മാർ ജേക്കബ് മുരിക്കൻ കുർബാന അർപ്പിച്ച് സന്ദേശം നൽകും. അൽഫോൻസാമ്മയുടെ ഓർമയുടെ 75-ാം വർഷമാണിത്.

28 വരെ ദിവസവും രാവിലെ 5.30, 6.45, 8.00, 11.00, ഉച്ചകഴിഞ്ഞ് 3.00, 5.00 എന്നീ സമയങ്ങളിൽ കുർബാന ഉണ്ടായിരിക്കും. വൈകിട്ട് അഞ്ചിനുള്ള കുർബാനയ്ക്കുശേഷം ജപമാല നടത്തും. 27ന് 5ന് മാർ ജോസഫ് കല്ലറങ്ങാട്ട് കുർബാന അർപ്പിച്ച് സന്ദേശം നൽകും. പ്രധാന തിരുനാൾ ദിനമായ 28ന് രാവിലെ 11ന് കർദിനാൾ മാർ ജോർജ് ആലഞ്ചേരി റാസ കുർബാന അർപ്പിച്ച് സന്ദേശം നൽകും.

കോവിഡ് നിയന്ത്രണങ്ങൾക്കു വിധേയമായി തിരുനാളിൽ പങ്കെടുക്കാം. കബറിടം തൊട്ടുവണങ്ങാൻ അനുവദിക്കില്ല. ഇന്നു മുതൽ 28 വരെ ഷാലോം ടിവിയിൽ രാവിലെ 6.30നും ഷെക്കേന ടിവിയിൽ ദിവസവും രാവിലെ 8നും കബറിട ദേവാലയത്തിൽ അർപ്പിക്കുന്ന കുർബാന സംപ്രേഷണം ചെയ്യും. https://youtube.com/c/StAlphonsaShrine, https://youtube.com/c/PalaiRoopathaOfficial എന്ന യൂട്യൂബ് ചാനലിലൂടെയും alphonsa.org എന്ന വെബ്‌സൈറ്റിലൂടെയും തിരുക്കർമങ്ങളിൽ തത്സമയം പങ്കെടുക്കാം.

 

ഇന്ന് തുടക്കംതിരുനാൾവിശുദ്ധ അൽഫോൻസാമ്മ