ബുധനാഴ്‌ച്ച മുതൽ മൂന്ന് ദിവസത്തേക്ക് മെട്രോ സർവ്വീസുകൾ റദ്ദാക്കും; ബലി പെരുന്നാൾ ദിവസങ്ങളിൽ സർവ്വീസ് നിർത്തിവെക്കുന്നത് അറ്റകുറ്റ പണികളുടെ ഭാഗമായി

ദോഹ: ഖത്തറിൽ ബലി പെരുന്നാൾ ദിവസങ്ങളിൽ ദോഹാ മെട്രോ സർവീസ് നടത്തില്ല. അടിയന്തിരമായ സിസ്റ്റം അപ്‌ഗ്രേഡിന്റെ ഭാഗമായാണ് സർവീസുകൾ നിർത്തിവെക്കുന്നത്.

ജൂലൈ 21 മുതൽ 24 വരെയാണ് മെട്രോ സര്;വീസ് നിർത്തിവെക്കുക. കൂടാതെ ഓഗസ്റ്റ് 13 വരെ വെള്ളിയാഴ്ചകളിലും മെട്രോ സർവീസുകളുണ്ടാവില്ല.നെറ്റ്‌വർക്കിലെ അപ്ഗ്രഡേഷൻ ജോലികൾ പൂർത്തിയാകുന്നതോടെ കൂടുതൽ ട്രെയിനുകൾ സർവീസ് നടത്താനാകുമെന്നാണ് പ്രതീക്ഷിക്കുന്നതെന്നും ഭാവിയിൽ ഉപയോക്താക്കൾക്ക് കുറഞ്ഞ ഇടവേളകളിൽമെട്രോ സര്;വീസ് ലഭ്യമാക്കാനാണ് ശ്രമിക്കുന്നതെന്നും ഖത്തർ റെയിൽ അറിയിച്ചു.