മുൻ ഇന്ത്യൻ ക്രിക്കറ്റ് താരം ശ്രീശാന്ത് നായകനാകുന്ന ബോളിവുഡ് ചിത്രത്തിൽ നായികയായി സണ്ണി ലിയോൺ. ആർ രാധാകൃഷ്ണൻ സംവിധാനം ചെയ്യുന്ന ചിത്രത്തിലാണ് ശ്രീശാന്തും സണ്ണി ലിയോണും നായികാ നായകന്മാരാകുന്നത്. പട്ടാ എന്നാണ് ചിത്രത്തിന്റെ പേര്. ഒരു സിബിഐ ഓഫീസറിന്റെ വേഷത്തിലാണ് ചിത്രത്തിൽ ശ്രീശാന്ത് എത്തുന്നത്.

ആക്ഷനും സംഗീതത്തിനും പ്രാധാന്യമുള്ള ഒരു പൊളിറ്റിക്കൽ ത്രില്ലറാണ് പട്ടാ. ശ്രീശാന്തിനും സണ്ണി ലിയോണിനുമൊപ്പം ബോളിവുഡ്ഡിലെ പ്രമുഖ താരങ്ങളും അഭിനയിക്കുന്നു. ഓഫീസർ കഥാപാത്രത്തിന്റെ അന്വേഷണം ചെന്നെത്തുന്നത് ഒരു സ്ത്രീയിലാണ്. ആ കഥാപാത്രം അവതരിപ്പിക്കാൻ വളരെ ശക്തയായ ഒരു സ്ത്രീ തന്നെ വേണം. അതിന് സണ്ണി ലിയോണായിരിക്കും മികച്ച നടി- സംവിധായകൻ ആർ രാധാകൃഷ്ണൻ ഒരു ദേശീയ മാധ്യമത്തോട് പറഞ്ഞു. എൻ.എൻ.ജി ഫിലിംസിന്റെ ബാനറിൽ നിരുപ് ഗുപ്തയാണ് ചിത്രം നിർമ്മിക്കുന്നത്.

ഛായാഗ്രഹണം - പ്രകാശ്കുട്ടി, എഡിറ്റിങ് - സുരേഷ് യു.ആർ.എസ്, സംഗീതം - സുരേഷ് പീറ്റേഴ്‌സ്, സ്‌പോട്ട് എഡിറ്റിങ് - രതിൻ രാധാകൃഷ്ണൻ, കോറിയോഗ്രാഫി - ശ്രീധർ, കല-സജയ് മാധവൻ, ഡിസൈൻസ് - ഷബീർ, പി ആർ ഓ -അജയ് തുണ്ടത്തിൽ.

 

നായികപട്ടാശ്രീശാന്ത് നായകൻസണ്ണി ലിയോൺ