ഓസ്‌ട്രേലിയയിൽ കോവിഡ് ഡെൽറ്റാ വെരിയന്റ് പടരുന്നതോടെ ആ സംസ്ഥാനങ്ങളി ലേക്കുള്ള യാത്രകൾക്ക് നിയന്ത്രണം ഏർപ്പെടുത്തിയിരിക്കുകയാണ് ന്യൂസിലന്റ്. വിക്ടോറിയ, ന്യൂസൗത്ത് വെയൽസ് എന്നി സംസ്ഥാനങ്ങളെ കൂടാതെ സൗത്ത് ഓസ്‌ട്രേലിയയിലേക്കും ക്വാറന്റെയ്ൻ രഹിത യാത്ര താത്കാലികമായി നിർത്തുന്നതായി ന്യൂസിലന്റ് അറിയിച്ചു.

കമ്മ്യൂണിറ്റി കേസുകൾ കൂടുതലുള്ള ഏറ്റവും പുതിയ ഓസ്ട്രേലിയൻ സംസ്ഥാനമാണ് സൗത്ത് ഓസ്‌ട്രേലിയ എന്നുള്ളതാണ് ഈ സംസ്ഥാനത്തേക്കും യാത്രാ നിയന്ത്രണം ഏർപ്പെടുത്താൻ കാരണം. എന്നാൽനിയന്ത്രിത ഫ്‌ളൈറ്റുകളിൽ ന്യൂസിലാന്റുകാർക്കും ഇവിടുത്തെ സ്ഥിര താമസക്കാർക്കും മടങ്ങിവരാം.

വിക്ടോറിയയും ന്യൂസ്ൗത്ത് വെയ്ൽസിലേക്കുമുള്ള നിയന്ത്രണം മുൻ ആഴ്‌ച്ചകളിൽ തുടരുന്നത് വീണ്ടും ഒരാഴ്‌ച്ച കൂടി നീട്ടിയിരിക്കുകയാണ്. ഇതോടെ ജൂലൈ 27 ന് ശേഷമായിരിക്കും യാത്രാ നിയന്ത്രണങ്ങളിൽ ഇളവ് ലഭിക്കുന്ന കാര്യം തീരുമാനമാകൂ.

ഇരു രാജ്യങ്ങളും തമ്മിൽ യാത്ര ചെയ്യാൻ യോഗ്യതയുള്ള ഓസ്ട്രേലിയക്കാർ പുറപ്പെടുന്നതിന് മുമ്പ് നെഗറ്റീവ് COVID-19 ടെസ്റ്റ് ഹാജരാക്കേണ്ടതുണ്ട്.

 

ക്വാറന്റെയ്ൻ രഹിത യാത്ര