ഡോ കലാം ഇന്ത്യൻ യുവത്വത്തെ സ്വപ്നം കാണാൻ പഠിപ്പിച്ചു

പാലാ: ഇന്ത്യൻ യുവജനതയെ സ്വപ്നം കാണാൻ പഠിപ്പിച്ച പ്രതിഭാശാലിയായ രാഷ്ട്രപതിയായിരുന്നു ഡോ എ പി ജെ അബ്ദുൾകലാമെന്ന് കെ ആർ നാരായണൻ ഫൗണ്ടേഷൻ ചെയർമാൻ എബി ജെ ജോസ് പറഞ്ഞു. ഡോ എ പി ജെ അബ്ദുൾകലാമിന്റെ ചരമവാർഷികത്തോടനുബന്ധിച്ചു സംഘടിപ്പിച്ച സ്മരണാഞ്ജലി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. വിദ്യാർത്ഥികൾക്കും യുവാക്കൾക്കും ഏറ്റവും കൂടുതൽ പ്രചോദനം പകർന്നു നൽകിയ മഹാൻകൂടിയായിരുന്നു ഡോ കലാം. ഡോ കലാമിനൊപ്പം പങ്കെടുത്ത പരിപാടികളിലെ അനുഭവങ്ങളും എബി ജെ ജോസ് പങ്കുവച്ചു.

സാബു എബ്രാഹം അധ്യക്ഷത വഹിച്ചു. സുമിത മാമ്മൻ, അനൂപ് ചെറിയാൻ, വിഷ്ണു കെ ആർ, അമൽ ജോസഫ്, ജോബി മാത്യു തുടങ്ങിയവർ പങ്കെടുത്തു. തുടർന്നു ഡോ കലാമിന്റെ ഛായാചിത്രത്തിൽ പുഷ്പാർച്ചനയും നടത്തി.