തിരുവനന്തപുരം: മാനസിക വെല്ലുവിളി നേരിടുന്ന യുവതിയെ തട്ടിക്കൊണ്ടു പോയി പീഡിപ്പിച്ച 25കാരൻ അറസ്റ്റിൽ. മംഗലപുരം ഇടവിളാകം ലക്ഷംവീട് കോളനി സ്വദേശി സന്ദീപി(25)നെയാണു മെഡിക്കൽ കോളജ് പൊലീസ് അറസ്റ്റ് ചെയ്തു. മെഡിക്കൽ കോളേജിയിൽ ചികിത്സയിലിരിക്കുന്ന അമ്മയ്ക്ക് കൂട്ടു നിൽക്കുമ്പോഴാണ് ആംബുലൻസ് ഡ്രൈവറായ ഇയാൾ യുവതിയെ തട്ടിക്കൊണ്ടു പോയി പീഡിപ്പിച്ചത്.

ചികിത്സയിലുള്ള അമ്മയ്ക്കു കൂട്ടുനിന്ന യുവതി ഭക്ഷണം വാങ്ങാനായി സൂപ്പർ സ്‌പെഷ്യൽറ്റി ബ്ലോക്കിൽ നിന്നു റോഡിലേക്ക് ഇറങ്ങിയപ്പോഴാണ് ഇയാൾ കാറിൽ കടത്തിക്കൊണ്ടു പോയതെന്നു പൊലീസ് അറിയിച്ചു. വ്യാഴാഴ്ച ആയിരുന്നു സംഭവം.

മെഡിക്കൽ കോളജ് ക്യാംപസിനുള്ളിലെ ഗ്രൗണ്ടിനു സമീപം വിജനമായ കുറ്റിക്കാട്ടിൽ കൊണ്ടുപോയാണു പീഡിപ്പിച്ചതെന്നും അതിനു ശേഷം തിരികെ റോഡിൽ കൊണ്ടു പോയി വിട്ടെന്നും പൊലീസ് അറിയിച്ചു.മുൻപ്, കൊട്ടാരക്കര സ്വദേശിയായ പെൺകുട്ടിയെ പീഡിപ്പിച്ചതിന് ഇയാൾ ജയിലിലായിരുന്നു.

 

25കാരൻ അറസ്റ്റിൽമാനസിക വെല്ലുവിളിയുവതിയെ പീഡിപ്പിച്ച