ലോകത്തിലെ വേഗതയേറിയ ഓട്ടക്കാരൻ മാർസൽ ജേക്കബ്സിന്റെ ജനനം ടെക്സസിൽ
എൽപാസോ : ലോകത്തിലെ ഏറ്റവും വേഗതയേറിയ ഓട്ടക്കാരൻ ഇറ്റാലിയൻ താരം ലാമന്റ് മാർസൽ ജേക്കബ്സിന്റെ ജനനം ടെക്സസിലെ എൽപാസോയിൽ
ആഫ്രിക്കൻ അമേരിക്കൻ പിതാവിന്റെയും ഇറ്റാലിയൻ മാതാവ് വിവിയാന മസിനിയുടെയും മകനായി ടെക്സസിലെ എൽപാസോയിൽ 1994 സെപ്റ്റംബർ 26 നായിരുന്നു ജേക്കബ്സിന്റെ ജനനം . അമേരിക്കൻ ആർമി അംഗമായിരുന്ന പിതാവിനെ സൗത്തുകൊറിയയിലേക്ക് നിയോഗിക്കപ്പെട്ടതോടെ മാതാവും ജേക്കബ്‌സും ഇറ്റലിയിലേക്ക് മടങ്ങി . ജനിച്ചു മാസങ്ങൾക്ക് ശേഷം ഇറ്റലിയിലെത്തിയ ജേക്കബ്സ് പത്താം വയസ്സിൽ തന്നെ സ്പോർട്സ് രംഗത്ത് പരിശീലനം ആരംഭിച്ചു . പിന്നീട് റോമിലേക്ക് താമസം മാറ്റി പാർട്ണർ നിക്കോളുമായി താമസം തുടങ്ങി. 2019 ൽ ആന്റണിയും 2021 ൽ മെഗനം (രണ്ടു മക്കൾ ) ഇവർക്ക് ജനിച്ചു . 19 വയസ്സിലായിരുന്നു നിക്കോളുമായി ജേക്കബ്സ് സൗഹൃദം സ്ഥാപിച്ചത് .
2016 ൽ ലോംഗ് ജംപിൽ ഇറ്റാലിയൻ അത്‌ലറ്റിക്‌സിൽ ചാമ്പ്യൻഷിപ്പ് നേടി , 2021 ൽ നടന്ന നൂറു മീറ്റർ മത്സരത്തിൽ 9.95 സെക്കൻഡ് കൊണ്ട് ഓടിയെത്തി ഇറ്റാലിയൻ റിക്കാർഡിന് ഉടമയായി .
ഒളിമ്പിക്സിൽ നൂറു മീറ്ററിൽ മെഡൽ പ്രതീക്ഷിച്ചിരുന്ന പലരെയും അദ്ഭുതപ്പെടുത്തിയാണ് ജേക്കബ്സ് വേഗതയേറിയ ഓട്ടക്കാരനായത് . 9.8 സെക്കൻഡ്‌സിൽ ഒന്നാം സ്ഥാനം കരസ്ഥമാക്കിയപ്പോൾ 9.84 സെക്കന്റിൽ അമേരിക്കയുടെ ഫ്രെഡ് കേർലി വെള്ളിയും , 9.89 സെക്കന്റോടെ കാനഡയുടെ ആന്ദ്രേ ഡിഗ്രാസ് ഓട്ട് മെഡലും കരസ്ഥമാക്കി .
