പ്രദേശത്തെ കമ്മ്യൂണിറ്റി സർവീസ് കാർഡ് ഉടമകൾക്കും വിദ്യാർത്ഥികൾക്കും സൗജന്യ പൊതുഗതാഗതം നടപ്പിലാക്കണമെന്ന നിർദ്ദേശവുമായി ഒരു പറ്റം സംഘടനകൾ രംഗത്ത്. രാജ്യത്തെ 30 ലധികം സംഘടനകളുടെ ഒരു സംഘം ആണ് ഗ്രേറ്റർ വെല്ലിങ്ടൺ റീജിയണൽ കൗൺസിലിന് മുമ്പിൽ ഇക്കാര്യം ആവശ്യപ്പെട്ടിരിക്കുന്നത്.

ഒരു നിവേദനം രൂപീകരിച്ച് ടാൻസ്പോർട്ട് മന്ത്രിക്ക് കത്ത് എഴുതിയ ശേഷം. പ്രാദേശിക കൗൺസിലിന്റെ ഗതാഗത സമിതി യോഗത്തിൽ ഈ കൂട്ടായ്മ നിർദ്ദേശം മുന്നോട്ട് വക്കുകയായിരുന്നു. ന്യൂസിലാന്റ് യൂണിയൻ ഓഫ് സ്റ്റുഡന്റ് അസോസിയേഷനുകൾ, പബ്ലിക് സർവീസ് അസോസിയേഷൻ, ആംഗ്ലിക്കൻ അഡ്വക്കസി വെല്ലിങ്ടൺ എന്നിവയുൾപ്പെടെ 40 അഭിഭാഷകരും വിശ്വാസ-അധിഷ്ഠിത സംഘടനകളും ചേർന്ന ഗ്രൂപ്പാണ് നിർദ്ദേശം മുന്നോട്ട് കൊണ്ടുവന്നിരിക്കുന്നത്.

വെല്ലിങ്ടണിൽ താമസിക്കുന്നത് വളരെ ചെലവേറിയതായിത്തീരുന്നു, അത് ലഘൂകരിക്കാനുള്ള ഒരു മാർഗ്ഗം പൊതുഗതാഗതം സൗജന്യമാക്കി മാറ്റുകയെന്നുള്ളതാണെന്നും ഇത് വിദ്യാർത്ഥികൾക്കും കമ്മ്യൂണിറ്റി സർവീസ് കാർഡ് ഉടമകൾക്കും ആഴ്ചതോറും ഉള്ള ബജറ്റിന് ഏറെ ഗുണകരമാകുമെന്നും ഇവർ പറയുന്നു.

വെല്ലിങ്ടൺ മേഖലയിലെ ട്രെയിനുകൾ, ബസുകൾ, കേബിൾ കാർ, ഹാർബർ ഫെറികൾ എന്നിവയെല്ലാം ട്രയൽ പരിരക്ഷിക്കണമെന്ന് സംഘം പറയുന്നു. ഓഫ്-പീക്ക് സർവീസുകളിൽ പദ്ധതി പരിക്ഷിക്കണമെന്നും ഇവർ ആവശ്യപ്പെടുന്നു. നിർദ്ദേശത്തിന് കൗൺസിലർമാർ അനുകൂല നിലപാട് ആണ് സ്വീകരിച്ചിരിക്കുന്നത്.

2018 ൽ വിദ്യാർത്ഥികളുടെ യാത്രാ നിരക്കിൽ മെറ്റ്‌ലിങ്ക് 25 ശതമാനം കിഴിവ് അവതരിപ്പിച്ചു.കമ്മ്യൂണിറ്റി സർവീസ് കാർഡ് ഉടമകൾക്ക് 50 ശതമാനം നിരക്ക് കിഴിവ് അടുത്ത വർഷം ഓക്ക്ലാൻഡിൽ പരീക്ഷിക്കപ്പെടും.

സൗജന്യ പൊതുഗതാഗതം