ഇറ്റലിയിലെ സിവിൽ പ്രൊട്ടക്ഷൻ സർവീസ് വരും ദിവസങ്ങളിൽ കാട്ടുതീ മുന്നറിയിപ്പുകൾ പുറപ്പെടുവിച്ചു, കാരണം തെക്ക് നിന്നുള്ള ശക്തമായ ചൂട് വായു ഏറ്റവും ഉയർന്ന താപനില രേഖപ്പെടുത്തുമെന്നാണ് റിപ്പോർട്ട്്.ഇറ്റലിയിലെ ഫെരാഗോസ്റ്റോ അവധിക്കാലം ആരംഭിക്കുമ്പോൾ, ചില തെക്കൻ പ്രദേശങ്ങളിൽ താപനില 45 ഡിഗ്രിയിൽ എത്തുമെന്നും കാലാവസ്ഥ പതിവിലും കൂടുതൽ ചൂടാകുമെന്നുമാണ് റിപ്പോർട്ട്.

മാത്രമല്ലതിങ്കളാഴ്ച മുതൽ, മറ്റൊരു ആഫ്രിക്കൻ ആന്റിസൈക്ലോൺ രാജ്യത്തിന്റെ തെക്ക്, മധ്യ ഭാഗങ്ങളിൽ എത്തുമെന്നും വേനൽക്കാലത്തെ നാലാമത്തെ കടുത്ത ചൂടിന് കാരണമാകുമെന്നും ഐകോണ മെറ്റിയോയിലെ അധികൃതർ പറയുന്നു.ഈ ആഴ്ചയിൽ ഇതുവരെ രേഖപ്പെടുത്തിയിട്ടുള്ളതിൽ വച്ച് ഏറ്റവും ഉയർന്ന താപനിലയിൽ ചിലത് രേഖപ്പെടുത്തുമെന്നാണ് വിലയിരുത്തൽ.

സിസിലിയിലും ഉൾനാടൻ തെക്കൻ പ്രദേശങ്ങളിലും താപനില 45 ഡിഗ്രിയും വടക്ക് മിലാനിലും പോ വാലിയിലും 36 മുതൽ 37 ഡിഗ്രി വരെയുമുള്ള ചൂട് ഓഗസ്റ്റ് 15 വരെ നീണ്ടുനിൽക്കുമെന്നാണ് കരുതുന്നത്. ഇറ്റാലിയൻ ആരോഗ്യ മന്ത്രാലയം റോം, ബാരി, റെയ്റ്റി, കാംബോബാസോ നഗരങ്ങളിലും പരിസരപ്രദേശങ്ങളിലും ചൂടിന് 'റെഡ് അലർട്ട്' നൽകിയിട്ടുണ്ട്.
പലേർമോ, പെറുഗിയ, ഫ്രോസിനോൺ, ലാറ്റിന എന്നിവ ചേരുന്നതിനാൽ റെഡ് അലേർട്ടിലുള്ള നഗരങ്ങളുടെ എണ്ണം ബുധനാഴ്ച എട്ടായി ഉയരും.മിലാൻ, ഫ്‌ളോറൻസ്, ബൊലോണ എന്നിവയുൾപ്പെടെ 13 നഗരങ്ങളിൽ താഴ്ന്ന നിലയിലുള്ള 'ആംബർ അലേർട്ടും നിലവിലുണ്ട്.

ആമ്പർ അലേർട്ട് എന്നാൽ ഉയർന്ന താപനിലയും കാലാവസ്ഥയും 'ജനസംഖ്യയുടെ ആരോഗ്യത്തെ പ്രതികൂലമായി ബാധിച്ചേക്കാമെന്നും,അതേസമയം, റെഡ് അലർട്ട് 'തുടർച്ചയായ മൂന്നോ അതിലധികമോ ദിവസങ്ങൾ നിലനിൽക്കുന്ന ഉയർന്ന അപകടസാധ്യതയുള്ള അവസ്ഥകൾ' സൂചിപ്പിക്കുന്നു.ഇറ്റലിയിലെ സിവിൽ പ്രൊട്ടക്ഷൻ ഡിപ്പാർട്ട്മെന്റ് വരുന്ന ആഴ്ചയിലെ കാലാവസ്ഥ കാരണം ഗുരുതരമായ തീപിടിത്തത്തിന്റെ അപകടസാധ്യതയെക്കുറിച്ച് മുന്നറിയിപ്പ് നൽകിയിട്ടുണ്ട്.

ഇറ്റലിതാപനില