മരണദിവസം ഫേസ്‌ബുക്കിൽ പങ്കുവച്ചശേഷം യുവാവ് ജീവനൊടുക്കി; മരണ വിവരം പുറം ലോകം അറിയുന്നത് ഫേസ്‌ബുക്കിലെ പോസ്റ്റ് ശ്രദ്ധയിൽപെട്ട ബന്ധുക്കൾ വീട്ടിലെത്തി അന്വേഷിച്ചപ്പോൾ: ദീപുവിന്റെ മരണം സാമ്പത്തിക ബാധ്യതയെ തുടർന്ന്

തൊടുപുഴ: മരണദിവസം ഫേസ്‌ബുക്കിൽ പങ്കുവച്ചശേഷം യുവാവ് ജീവനൊടുക്കി. അടിമാലി ആനച്ചാൽ ഓലിക്കുന്നേൽ ദീപുവാണ്(34) മരണ വിവരം സുഹൃത്തുക്കൾക്കും ബന്ധുക്കൾക്കുമായി പങ്കുവെച്ച ശേഷം തൂങ്ങി മരിച്ചത്. ദീപു വാടകയ്ക്ക് താമസിച്ചിരുന്ന തൊടുപുഴ പെരുമാങ്കണ്ടത്തെ വീട്ടിലായിരുന്നു മരണം.

ഫേസ്‌ബുക്കിലെ പോസ്റ്റ് ശ്രദ്ധയിൽപെട്ട ബന്ധുക്കൾ വീട്ടിലെത്തി അന്വേഷിച്ചപ്പോഴാണ് മരണവിവരം അറിയുന്നത്. കരിമണ്ണൂർ ഹൈസ്‌കൂൾ ജംക്ഷനിൽ ബാർബർ ഷോപ്പ് നടത്തിവരികയായിരുന്നു. ഈ ബാർബർ ഷോപ്പിലെ ജീവനക്കാരനായിരുന്ന ദീപു പിന്നീട് ഈ ബാർബർ ഷോപ്പ ഏറ്റെടുത്തു നടത്തുകയായിരുന്നു.

പിന്നാലെ കോവിഡ് എത്തിയതോടെ വരുമാനം നഷ്ടപ്പെട്ട് വലിയ കടക്കെണിയിലേക്ക് എത്തിയിരുന്നതായാണു ബന്ധുക്കൾ നൽകുന്ന വിവരം. സാമ്പത്തിക ബാധ്യതയാവാം മരണകാരണമെന്നാണു തൊടുപുഴ പൊലീസ് പറയുന്നത്. സംസ്‌കാരം നടത്തി. ഭാര്യ: മായ. മകൻ: ആദിനാഥ്.