ദുബൈക്ക് പിന്നാലെ യു എ ഇയിൽ മറ്റു എമിറേറ്റുകളും വിദേശികൾക്ക് പ്രവേശ നിയന്ത്രണങ്ങളിൽ ഇളവ് വരുത്തുന്നു. ഐ സി എ അനുമതിയുണ്ടെങ്കിൽ യു എ ഇ താമസ വിസക്കാരനാണെങ്കിൽ ആറ് മാസത്തിൽ അധികം നാട്ടിലുള്ളവർക്കും യു എ ഇയിൽ എത്താം.

ദുബൈ ഏതാനും ദിവസങ്ങൾക്കകം ഇന്ത്യക്കാർക്ക് സന്ദർശക വിസ അനുവദിക്കും. വേറെ രാജ്യങ്ങൾ വഴി യു എ ഇയിലെത്താൻ ഇന്ത്യക്കാർക്ക് സന്ദർശക വിസ നൽകിവരുന്നു. ട്രാൻസിറ്റ് രാജ്യത്തു 14 ദിവസത്തെ ക്വാറന്റൈനാണ് നിബന്ധന.

നാട്ടിൽ നിന്ന് യാത്ര പുറപ്പെടുന്നതിനു മുമ്പ് ഐ സി എ അനുമതി നേടിയാൽ മതി. ദുബൈ വിസക്കാരാണെങ്കിൽ ജി ഡി ആർ എഫ് എ അനുമതിയാണ് വേണ്ടത്. താമസവിസാ കാലാവധിയുള്ളവരും അനുമതി നേടണം. ഈ രേഖയാണ് യു എ ഇ പ്രവേശത്തിന് അടിസ്ഥാന രേഖയായി കണക്കാക്കുന്നത്.

ഇതിനിടെ വിദേശത്ത് കുടുങ്ങിയവരുടെ താമസ വിസ കാലാവധി ദുബൈ നീട്ടി. 2021 നവംബർ പത്ത് വരെയാണ് നീട്ടിയത്. 2021 ഏപ്രിൽ 20നും 2021 നവംബർ ഒന്പതിനും ഇടയിൽ കാലഹരണപ്പെട്ടതോ കാലഹരണപ്പെടുന്നതോ ആയ യു എ ഇ താമസ വിസകൾക്ക് ഇത് ബാധകമാണ്. ജനറൽ ഡയറക്ടറേറ്റ് ഓഫ് റെസിഡൻസ് ആൻഡ് ഫോറിൻ അഫയേഴ്സ് (ജി ഡി ആർ എഫ് എ)അറിയിച്ചതാണിത്. വിദേശത്ത് കുടുങ്ങിക്കിടക്കുന്ന ഇന്ത്യ, പാക്കിസ്ഥാൻ, നേപ്പാൾ, ശ്രീലങ്ക, നൈജീരിയ, ഉഗാണ്ട എന്നീ രാജ്യങ്ങളിലെ പൗരന്മാർക്കു സൗകര്യം ഉപയോഗപ്പെടുത്താം.

വിസ കാലാവധി