മകൾക്ക് മൂന്ന് കുഞ്ഞുങ്ങൾ പിറന്നു; മുത്തശ്ശി ആയതിന്റെ സന്തോഷം പങ്കുവെച്ച് ലക്ഷ്മി നായർ

മകൾക്ക് മൂന്ന് കുഞ്ഞുങ്ങൾ പിറന്നെന്ന സന്തോഷ വാർത്ത പങ്കുവെച്ച് പാചകവിദഗ്ധ ലക്ഷ്മി നായർ. മാഞ്ചസ്റ്റിലുള്ള മകൾ പാർവതിക്കാണ് രണ്ടാമത്തെ പ്രസവത്തിൽ മൂന്ന് കുഞ്ഞുങ്ങൾ ജനിച്ചത്. മൂന്ന് കുഞ്ഞുങ്ങളുടെ മുത്തശ്ശി ആയതിന്റെ സന്തോഷത്തിലാണെന്ന് ലക്ഷ്മിനായർ പറഞ്ഞു.

കഴിഞ്ഞ മാസമായിരുന്നു മകൾ പാർവതിയുടെ പ്രസവം. ജൂണിൽ മാഞ്ചസ്റ്ററിലേക്ക് പോകാനായിരുന്നു ലക്ഷ്മി തീരുമാനിച്ചിരുന്നത്. എന്നാൽ കോവിഡ് പശ്ചാത്തലത്തിൽ ഇന്ത്യയിൽ നിന്നുള്ളവർക്ക് യുകെയിൽ പ്രവേശിക്കാൻ വിലക്കേർപ്പെടുത്തിയതോടെ യാത്ര പ്രതിസന്ധിയിലാവുകയായിരുന്നു.

യാത്ര മുടങ്ങിയതുകൊണ്ടാണ് സന്തോഷ വാർത്ത അറിയിക്കാൻ വൈകിയതെന്നും എല്ലാ തടസ്സങ്ങളും മാറിയപ്പോൾ സന്തോഷമായെന്നും യൂട്യൂബിൽ പങ്കുവച്ച വിഡിയോയിൽ ലക്ഷ്മി പറഞ്ഞു.