കോട്ടയം: അയ്യങ്കാളിയുടെ 158-ാം ജന്മദിനാഘോഷം ഇന്നു മുതൽ. സി.എസ്.ഡി.എസ്. സംസ്ഥാന കമ്മിറ്റിയുടെ നേതൃത്വത്തിൽ 28വരെ സംസ്ഥാന വ്യാപകമായി ആഘോഷങ്ങൾ സംഘടിപ്പിച്ചിട്ടുണ്ട്. ഓൺലൈൻ പ്രഭാഷണ പരമ്പര, പുഷ്പാർച്ചന, മധുരവിതരണം, ജന്മദിന സമ്മേളനം എന്നിവയുണ്ടാകും.

അയ്യങ്കാളി ജീവിതവും ദർശനവും എന്ന വിഷയത്തെ ആസ്പദമാക്കി 25മുതൽ ഓൺലൈൻ പ്രഭാഷണ പരമ്പര നടത്തും. 28-ന് രാവിലെ എട്ടിന് സംസ്ഥാന വ്യാപകമായി സി.എസ്.ഡി.എസ്. കുടുംബയോഗം കേന്ദ്രങ്ങളിൽ പുഷ്പാർച്ചന, മധുരവിതരണം എന്നിവ നടത്തും.

സംസ്ഥാന കമ്മിറ്റിയുടെ നേതൃത്വത്തിൽ രാവിലെ എട്ടിന് കോട്ടയം തിരുനക്കര മൈതാനത്തിനുസമീപം പുഷ്പാർച്ചന നടത്തും. 10 മണിക്ക് കൊമേർഷ്യൽ ബാങ്ക് എംപ്ലോയീസ് കോ-ഓപ്പറേറ്റീവ് ബാങ്ക് ഹാളിൽ നടക്കുന്ന ജന്മദിനസമ്മേളനം മന്ത്രി വി.എൻ.വാസവൻ ഉദ്ഘാടനം ചെയ്യും. കേരള സാഹിത്യ അക്കാദമി സമഗ്ര സംഭാവനയ്ക്കുള്ള പുരസ്‌കാരം നേടിയ കെ.കെ.കൊച്ചിനെ  ആദരിക്കും.

 

158-ാം ജന്മദിനാഘോഷംഅയ്യങ്കാളി