കോവിഡ് കേസുകൾ കുറഞ്ഞതോടെ ഇന്ന് മുതൽ രാജ്യം ലെവൽ 2 നിയന്ത്രണത്തിലേക്ക് കടക്കും. ദിവസവും റിപ്പോർട്ട് ചെയ്യുന്ന ഡെൽറ്റ കേസുകളുടെ എണ്ണത്തിൽ കുറവ് വന്നതോടെയാണ് ലോക്ക്ഡൗണിൽ പുതിയ ഇളവുകൾ പ്രഖാപിച്ചത്. ഓക്ലാൻഡ് ഒഴികെയുള്ള ന്യൂസിലൻഡിലെ എല്ലാ പ്രദേശങ്ങളും നാളെ രാത്രി 11.59 മുതൽ ലെവൽ 2 ലേക്ക് മാറും.ഓക്ലാൻഡ് പ്രദേശം അലേർട്ട് ലെവൽ നാലിൽ തന്നെ തുടരും.

ലെവൽ 2 നടപ്പിൽ വരുന്നതിനാൽ വ്യഴാഴ്ച മുതൽ സ്‌കൂളുകൾ തുറക്കും. സ്‌കൂളുകളിൽ മാസ്‌കുകൾ നിർബന്ധമാക്കിയിട്ടില്ലെന്ന് പ്രധാനമന്ത്രി പറഞ്ഞു.ഇൻഡോർ ഹോസ്പിറ്റാലിറ്റി വേദികൾ 50 പേർക്ക് മാത്രമായി പരിമിതപ്പെടുത്തിയിരിക്കുന്നു. മ്യൂസിയങ്ങളിലും, ജിമ്മുകളിലും സന്ദർശകർ 2 മീറ്റർ നിയമം പാലിക്കണം. പുറത്തുള്ള വേദികൾക്ക് 100 പേരെ ഉൾപ്പെടുത്താം.

ഇൻഡോർ സൗകര്യങ്ങളിൽ മാസ്‌ക് നിർബന്ധമാണ്. ലെവൽ 2 ൽ തുറന്നിരിക്കുന്ന ബിസിനസ്സുകളിലെ ജീവനക്കാർ നിർബന്ധമായും മാസ്‌ക് ധരിക്കണം. ഡെൽറ്റ വൈറസ് ഉണ്ടാക്കുന്ന അപകടം കാരണം കടകൾ, മാളുകൾ, പൊതു ഇടങ്ങൾ എന്നിവയുൾപ്പെടെ മിക്ക പൊതു വേദികളിലും മാസ്‌കുകൾ ധരിക്കണം. ബാറുകൾ, റെസ്റ്റോറന്റുകൾ, സിനിമാശാലകൾ, പള്ളികൾ, ഹെയർഡ്രെസ്സർമാർ എല്ലായിടത്തും കോവിഡ് സ്‌കാനിങ് നിർബന്ധമാണ്.

 

ലെവൽ 2