ഇറ്റലിയിലെ സ്‌കൂളുകളിൽ പ്രവേശിക്കാൻ രക്ഷിതാക്കൾക്ക് ഗ്രീൻ പാസ് നിർബന്ധം; വിദ്യാർത്ഥികൾക്ക് ഒഴികെ സ്‌കൂൾ കെട്ടിടത്തിനുള്ളിൽ പ്രവേശിക്കാൻ പാസ് നിർബന്ധം
ഇറ്റലിയിൽ വ്യാഴാഴ്ച പാസാക്കിയ പുതിയ നിയമനിർമ്മാണ പ്രകാരം, സ്‌കൂൾ കെട്ടിടങ്ങളിലേക്ക് പ്രവേശിക്കുന്നതിന് സ്‌കൂൾ കുട്ടികൾക്ക് ഒഴികെ രക്ഷിതാക്കൾ അടക്കം ഗ്രീൻ പാസ് ഹാജരാക്കേണ്ടതുണ്ട്.ഈ ഉത്തരവ് സ്‌കൂളുകളിലെ തൊഴിലാളികൾ അടക്കമുള്ളവർക്ക് സർട്ടിഫിക്കറ്റ് നിർബന്ധമാക്കുന്നുണ്ട്.
ഉത്തരവിൽ മാതാപിതാക്കളെ പ്രത്യേകം പരാമർശിക്കുന്നില്ലെങ്കിലും, കുട്ടികളും വിദ്യാർത്ഥികളും മാത്രമേ നിയമത്തിൽ നിന്ന് ഒഴിവാക്കിയിട്ടുള്ളൂവെന്നും ഇറ്റാലിയൻ മാധ്യമങ്ങൾ റിപ്പോർട്ട് ചെയ്യുന്നു.
അതായത് ആരെങ്കിലും തങ്ങളുടെ കുട്ടിയെ എടുക്കുന്നതിനോ രക്ഷാകർതൃ-അദ്ധ്യാപക യോഗങ്ങളിൽ പങ്കെടുക്കുന്നതിനോ പ്രവേശിക്കാൻ ആഗ്രഹിക്കുന്നുണ്ടെങ്കിൽ പാസ് ഹാജരാക്കിയിരിക്കണം.ഈ നീക്കത്തെ സ്‌കൂളുകൾ സ്വാഗതം ചെയ്തു, അവരിൽ പലരും ഇതിനകം തന്നെ സ്വന്തമായി ഈ നിയമം പാലിച്ച് പോകുന്നുണ്ട്.
കുറഞ്ഞത് 2021 ഡിസംബർ 31 വരെ ഈ നിയമം നിലനിൽക്കും.പാസ് ഇല്ലാതെ സ്‌കൂൾ കെട്ടിടത്തിൽ പ്രവേശിക്കുമ്പോൾ പുറത്തുള്ള തൊഴിലാളികൾക്കും രക്ഷിതാക്കൾക്കും 400 യൂറോ മുതൽ 1,000 പൗണ്ട് വരെ പിഴ ഈടാക്കാം (സ്‌കൂൾ നേരിട്ട് ജോലി ചെയ്യുന്ന വ്യക്തികൾക്ക് വ്യത്യസ്ത പിഴകൾ ബാധകമാണ്)
