തെന്നിന്ത്യൻ ഹാസ്യതാരം വിദ്യുലേഖാ രാമൻ വിവാഹിതയായി; വരൻ ഫിറ്റ്‌നസ് ന്യൂട്രീഷ്ണൽ എക്‌സ്പർട്ട് ആയ സഞ്ജയ്: ബീച്ച് വെഡ്ഡിങ്ങിന്റെ ചിത്രങ്ങൾ സോഷ്യൽ മീഡിയയിൽ വൈറൽ
തെന്നിന്ത്യൻ ഹാസ്യ താരം വിദ്യുലേഖ രാമൻ വിവാഹിതയായി. ഫിറ്റ്‌നസ് ന്യൂട്രീഷ്ണൽ എക്‌സ്പർട്ട് ആയ സഞ്ജയ് ആണ് വരൻ. വിവാഹത്തിൽ അടുത്ത സുഹൃത്തുക്കളും ബന്ധുക്കളും മാത്രമാണ് പങ്കടുത്തത്.
വിവാഹത്തിന്റൈയും ഹൽദി മെഹന്ദി റോക്ക ചടങ്ങുകളുടെയും ചിത്രങ്ങൾ സമൂഹമാധ്യമങ്ങളിൽ വൈറലാണ്. ബീച്ച് വെഡ്ഡിങ്ങിന്റെ മനോഹരമായ കാഴ്ചയായിരുന്നു വിദ്യുലേഖയുടെ വിവാഹം. ഡേറ്റിങ്ങ് ആപ്പിലൂടെയാണ് വിദ്യുവും സഞ്ജയും പരിചയപ്പെടുന്നത്. സൗഹൃദം പിന്നീട് പ്രണയമാവുകയായിരുന്നു.
തമിഴ്, തെലുങ്ക് സിനിമകളിലെ ഹാസ്യവേഷങ്ങളിലൂടെയാണ് ഈ യുവനടി ശ്രദ്ധനേടുന്നത്. തമിഴ് നടൻ മോഹൻ രാമന്റെ മകൾ കൂടിയായ വിദ്യുലേഖ ഗൗതം മേനോൻ ചിത്രമായ 'നീ താനെ എൻ പൊൻവസന്ത'ത്തിലൂടെയാണ് അഭിനയരംഗത്തെത്തിയത്. ജില്ല, വാസുവും ശരവണനും ഒന്നാ പഠിച്ചവൻഗ, പുലി തുടങ്ങിയ ചിത്രങ്ങളിലൂടെ പ്രേക്ഷകർക്ക് സുപരിചിതയാണ് ഈ നടി.
Next Story
