കേരളത്തിന്റെ നൂറുൽ അബ്സർ അപ്പോളോ ടയേഴ്സ് യൂണൈറ്റഡ് ലീഗ് ചാമ്പ്യൻ

കൊച്ചി: ടയർ ഉൽപ്പാദകരായ അപ്പോളോ ടയേഴ്സും ആഗോള വീഡിയോ ഗെയിം പ്രസാദകരായ കൊനാമിയും മാഞ്ചസ്റ്റർ യൂണൈറ്റഡുമായി ചേർന്ന് അവതരിപ്പിച്ച അപ്പോളോ ടയേഴ്സ് യൂണൈറ്റഡ് ലീഗ് എന്ന ഇ-സ്പോർട്ട്സ് ടൂർണമെന്റിന്റെ പ്രഥമ പതിപ്പിൽ കേരളത്തിൽ നിന്നുള്ള നൂറുൽ അബ്സർ വിജയം പങ്കുവച്ചു.

ഈജിപ്റ്റിൽ നിന്നുള്ള ദിയ മുഹമ്മദ് നാസർ, ബംഗ്ലാദേശിന്റെ മൊഹമ്മദ് ഷിഫാത് അൽ മറുഫ് എന്നിവരാണ് ആലുവയിൽ നിന്നുള്ള നൂറുലിനൊപ്പം ജേതാക്കളായത്. മൊബൈലിൽ ഓൺലൈനായി നടത്തിയ അപ്പോളോ ടയേഴ്സ് യൂണൈറ്റഡ് ലീഗിൽ ലോകമൊട്ടാകെയായി 20 ലക്ഷം പേരാണ് പങ്കെടുത്തത്. ചാമ്പ്യൻഷിപ്പിൽ വിവിധ വിഭാഗങ്ങളിലായി വിജയികളായ ഇവർക്ക് കിരീടവും എല്ലാ ചെലവുകളും ഉൾപ്പടെ ഓൾഡ് ട്രാഫോഡിൽ മൽസരം കാണാനുള്ള ട്രിപ്പും സമ്മാനമായി ലഭിക്കും.