തലശേരി: തലശേരി പുതിയ ബസ് സ്റ്റാൻഡ് പരിസത്തു വെച്ച് മയക്കുമരുന്നു മായി യുവാവ് എക്‌സൈസിന്റെ പിടിയിലായി. 660 ഗ്രാം എ.ഡി.എം എയും 20 ഗ്രാം കഞ്ചാവുമായി ഇല്ലിക്കുന്ന് പുത്തൻ പുരയിൽ ശുഹൈബിനെയാണ് പിടികൂടിയത്.

തിങ്കളാഴ്‌ച്ച രാത്രി കുത്തുപറമ്പ് സർക്കിൾ എക്‌സൈസ് ഇൻസ്‌പെക്ടർ എം.എസ് ജനീഷിന്റെ നേതൃത്വത്തിൽ നടത്തിയ റെയ്ഡിലാണ് മാരക മയക്കുമരുന്നു മായി യുവാവ് പിടിയിലായത്. മയക്കുമരുന്ന് വിൽപനയ്‌ക്കെതിരെ തലശേരിയിലും പരിസരത്തും പ്രതിഷേധ പരിപാടികൾ നടന്നു വരുന്നതിനിടെയാണ് എക്‌സൈസ് പരിശോധന ശക്തമാക്കിയത്. എക്‌സൈസ് ഇൻസ്‌പെക്ടർ സുബിൻ രാജ്, പ്രിവന്റീവ് ഓഫിസർ ലെനിൻ എഡ്വേർഡ് എന്നിവരും പാർട്ടിയിലുണ്ടായിരുന്നു.

 

തലശേരി