കോവിഡ് നിയന്ത്രണങ്ങൾ കെ എസ് ആർ ടി സി തുടരണം: മനുഷ്യാവകാശ കമ്മീഷൻ

തിരുവനന്തപുരം: കോവിഡ് വ്യാപനം തടയുന്നതിന്റെ ഭാഗമായി പൊതു ഗതാഗത രംഗത്ത് കെ എസ് ആർ റ്റി സി ഏർപ്പെടുത്തിയ കർശന നിയന്ത്രണങ്ങൾ തുടരണമെന്ന് സംസ്ഥാന മനുഷ്യാവകാശ കമ്മീഷൻ. കമ്മീഷൻ അധ്യക്ഷൻ ജസ്റ്റിസ് ആന്റണി ഡൊമിനിക് കെ എസ് ആർ റ്റി സി മാനേജിങ് ഡയറക്ടർക്കാണ് ഉത്തരവ് നൽകിയത്.

കോവിഡ് വ്യാപനം തടയുന്നതിന്റെ ഭാഗമായി നടപടികൾ സ്വീകരിച്ചിട്ടുണ്ടെന്ന് മാനേജിങ് ഡയറക്ടർ കമ്മീഷനെ അറിയിച്ചു. ശരിയായി മാസ്‌ക് ധരിച്ചവരെ മാത്രമേ ബസിനുള്ളിൽ കയറ്റുകയുള്ളുവെന്ന് റിപ്പോർട്ടിൽ പറയുന്നു. ബസ് സ്റ്റേഷനുകളിൽ ഈ വിവരം പ്രദർശിപ്പിക്കാനുള്ള നിർദ്ദേശം നൽകിയിട്ടുണ്ട്. കോവിഡ് മാനദണ്ഡങ്ങൾ അനൗൺസ് ചെയ്യാനുള്ള നിർദ്ദേശം ജീവനക്കാർക്ക് നൽകിയിട്ടുണ്ടെന്നും റിപ്പോർട്ടിൽ പറയുന്നു. മനുഷ്യാവകാശ പ്രവർത്തകനായ രാഗം റഹിം സമർപ്പിച്ച പരാതിയിലാണ് നടപടി.