വടകര: പുതിയ ബസ് സ്റ്റാൻഡിന് സമീപം മൂന്നുനില കെട്ടിടത്തിൽ തീപിടിത്തം. എടോടി റോഡിൽ പ്രവർത്തിക്കുന്ന ചെരിപ്പുകടയായ പാദകേന്ദ്രയിലാണ് തീപിടിത്തമുണ്ടായത്.

ചൊവ്വാഴ്ച വൈകുന്നേരമാണ് സംഭവം. മുകളിലെ നിലയിൽ നിന്ന് തീ ആളിപ്പടരുകയായിരുന്നു. അഗ്‌നിശമനസേനയുടെയും പൊലീസിന്റെയും നേതൃത്വത്തിൽ തീയണക്കാനുള്ള ശ്രമം തുടരുകയാണ്.

വലിയ നാശനഷ്ടം ഉണ്ടായതായാണ് കരുതുന്നത്. തീപിടിക്കാനുള്ള കാരണം അറിവായിട്ടില്ല.