ഐ.എൻ.ടി.യു.സി വൃക്ഷമഹോത്സവം പരിപാടി നാളെ പ്രതിപക്ഷ നേതാവ് വി.ഡി.സതീശൻ ഉദ്ഘാടനം ചെയ്യും

മഹാത്മാഗാന്ധിയുടെ 152-ാമത്ജന്മ വാർഷികവും സ്വാതന്ത്ര്യത്തിന്റെ പ്ലാറ്റിനം ജൂബിലി ആഘോഷങ്ങളോടു മനുബന്ധിച്ച് കെപിസിസി. ആഹ്വാന പ്രകാരമുള്ള വൃക്ഷമഹോത്സവം പരിപാടി ഐ.എൻ.ടി.യു.സി. നടപ്പാക്കുന്നതിന്റെ ജില്ലാതല ഉദ്ഘാടനം പ്രതിപക്ഷനേതാവ്വി.ഡി. സതീശൻ ഇന്ന് 3.30 ന് നന്ദാവനം മുസ്ലിം അസോസിയേഷൻ ഹാളിൽ നടക്കുന്ന ചടങ്ങിൽ നിർവഹിക്കും.

ജില്ലയിലെ 73 പഞ്ചായത്തുകളിലും നാലു മുനിസിപ്പാലിറ്റികളിലും നഗരസഭയിലെയും തൊഴിലിടങ്ങളിലും പ്രധാന കേന്ദ്രങ്ങളിലും ഫലവൃക്ഷങ്ങൾ നട്ടു വളർത്തി പരിപാലിക്കുന്ന വൃക്ഷമഹോത്സവ ഉദ്ഘാടനത്തിന്റെ ഭാഗമായി നടക്കുന്ന ചടങ്ങിൽ ഡിസിസി പ്രസിഡന്റ് പാലോട് രവിക്ക് ഐ.എൻ.ടി.യു.സി.ജില്ലാ കമ്മിറ്റി സ്വീകരണം നൽകും.

യുഡിഎഫ് കൺവീനർ എം.എം. ഹസ്സൻ ,ഐഎൻടിയുസി സംസ്ഥാന പ്രസിഡന്റ് ആർ.ചന്ദ്രശേഖരൻ ,മുൻ മന്ത്രി വി. എസ്. ശിവകുമാർ തുടങ്ങി പ്രമുഖരാഷ്ട്രീയ -ട്രേഡ് യൂണിയൻ രംഗത്തെ പ്രമുഖർ പങ്കെടുക്കും. ഐ.എൻ.ടി.യു.സി. ജില്ലാ പ്രസിഡന്റ് വി.ആർ.പ്രതാപൻ അദ്ധ്യക്ഷത വഹിക്കും.