മാറ്റംവന്ന ഖത്തറിെന്റ പുതിയ യാത്രാനയം ഇന്ന് മുതൽ പ്രാബല്യത്തിൽ.ഉച്ച രണ്ടിനുശേഷം ദോഹയിൽ വിമാനമിറങ്ങുന്ന യാത്രക്കാർക്ക് പുതിയ യാത്രാനയം ബാധകമാകും.ഇന്ത്യയിൽ നിന്ന് വരുന്ന വിസയുള്ളവർക്കും സന്ദർശകർക്കും രണ്ട് ദിവസത്തെ ക്വാറന്റൈൻ മതി. മുഴുവൻ യാത്രക്കാരും പുറപ്പെടുന്നതിന് മുമ്പേ പ്രത്യേക അണ്ടർടേക്കിങ് ഫോം പൂരിപ്പിച്ച് കയ്യിൽ കരുതണം നാളെ ഉച്ചക്ക് രണ്ട് മണി മുതൽ ദോഹയിൽ വിമാനമിറങ്ങുന്ന യാത്രക്കാർക്കാണ് പുതിയ യാത്രാ നയം പ്രകാരമുള്ള മാർഗനിർദേശങ്ങൾ ബാധകമാകുക.

ഇന്ത്യയിൽ നിന്നുള്ള ഖത്തർ അംഗീകൃത വാക്‌സിൻ സ്വീകരിച്ച എല്ലാ യാത്രക്കാർക്കും രണ്ടു ദിവസത്തെ ക്വാറന്റൈൻ മതിയാവും. എന്നാൽ, ഇന്ത്യയിൽ വെച്ച് വാക്‌സിൻ എടുത്തവർ ദോഹയിലെത്തി രണ്ടാം ദിവസം ആന്റി ബോഡി ടെസ്റ്റിന് വിധേയരാവണം. ഖത്തറിൽ നിന്ന് വാക്‌സിൻ എടുത്തവർക്ക് ആർ.ടി.പി.സി.ആർ ടെസ്റ്റിൽ നെഗറ്റീവ് ആയാൽ ക്വാറന്റൈൻ അവസാനിപ്പിക്കാം.

സന്ദർശക വിസയിൽ കുട്ടികൾക്കും യാത്രാനുമതി നൽകിയതാണ് പുതിയ യാത്രാ നിബന്ധനയിലെ സുപ്രധാന തീരുമാനം. ഇതു പ്രകാരം വാക്‌സിൻ സ്വീകരിക്കാത്ത 12 വയസ്സിന് താഴെയുള്ള കുട്ടികൾക്ക്, കോവിഡ് കുത്തിവെപ്പ് സ്വീകരിച്ച മാതാപിതാക്കൾക്കൊപ്പം ഖത്തറിലെത്താം. രണ്ടു ദിവസമാണ് ഇവർക്ക് ക്വാറന്റൈൻ നിർദേശിച്ചത്. 12 വയസ്സിന് മുകളിലുള്ളവർ വാക്‌സിനേറ്റഡ് അല്ലെങ്കിൽ സന്ദർശക വിസയിൽ രാജ്യത്തേക്ക് പ്രവേശനം അനുവദിക്കില്ല. 12 വയസ്സിന് താഴെയുള്ള കുട്ടികൾക്ക് കൂടെയുള്ള രക്ഷിതാക്കൾ വാക്‌സിനേറ്റഡ് ആണെങ്കിൽ മാത്രമേ പ്രവേശനം അനുവദിക്കൂ. വാക്‌സിൻ സ്വീകരിക്കാത്ത റെസിഡന്റ് വിസക്കാർക്ക് ഏഴു ദിവസം ഹോട്ടൽ ക്വാറന്റൈൻ നിർബന്ധമാണ്.

ആറാം ദിവസത്തെ പി.സി.ആർ പരിശോധനാ ഫലം നെഗറ്റീവായാൽ ഏഴാം ദിനം പുറത്തിറങ്ങാൻ അനുവാദം നൽകും.ഡിസ്‌കവർ ഖത്തർ വെബ്‌സൈറ്റ് വഴി തന്നെയാണ് ഹോട്ടൽ, മുകൈനീസ് ക്വാറന്റൈൻ ബുക്കിങ്. നിലവിൽ 1100 മുതൽ 1400 വരെയാണ് രണ്ടു ദിന ഹോട്ടൽ ക്വാറന്റൈൻ ബുക്കിങ് നിരക്ക്.

യാത്രാ നയം