ഓച്ചിറ: പൊറോട്ട തൊണ്ടയിൽ കുരുങ്ങി മത്സ്യ ബന്ധന തൊഴിലാളി മരിച്ചു. ക്ലാപ്പന വരവിള മൂർത്തിയേടത്ത് തെക്കതിൽ ഹരീഷ് (45) ആണ് മരിച്ചത്. ചൊവ്വാഴ്ച രാത്രി ഒൻപതുമണിയോടെ അയൽവീട്ടിൽവെച്ച് സുഹൃത്തുക്കളുമൊത്ത് പൊറോട്ട കഴിക്കുമ്പോഴാണ് സംഭവം. ഉടൻതന്നെ വലിയകുളങ്ങരയിലെ സ്വകാര്യ ആശുപത്രിയിലെത്തിച്ചെങ്കിലും മരിച്ചു.

ഓച്ചിറ പൊലീസ് അസ്വാഭാവികമരണത്തിന് കേസടുത്തു. ബുധനാഴ്ച ജില്ലാ ആശുപത്രിയിൽ നടത്തിയ പോസ്റ്റ് മോർട്ടത്തിലാണ് പൊറോട്ട തൊണ്ടയിൽ കുരുങ്ങിയതാണ് മരണകാരണമെന്ന് സ്ഥിരീകരിച്ചത്. ബോട്ടിൽ മത്സ്യബന്ധനത്തിന് പോകുന്ന തൊഴിലാളിയാണ്. ഭാര്യ: ശ്രീലത.മക്കൾ:ഹരിത,ഹരിജിത്ത്. സംസ്‌കാരം രാത്രിയോടെ വീട്ടുവളപ്പിൽ നടത്തി.

 

പൊറോട്ട തൊണ്ടയിൽ കുടുങ്ങിമത്സ്യ തൊഴിലാളി മരിച്ചു