തൃശൂർ: കീം പരീക്ഷയിൽ എസ്.സി. വിഭാഗത്തിൽ ഒന്നാം റാങ്ക് നേടി അഭിമാനമായി മാറിയിരിക്കുകയാണ് തൃശൂർ വിയ്യൂർ ജി ഐറിസ് ഹൈലൈഫ് അപ്പാർട്ട്മെന്റിസിലെ ബി. അമ്മു. കഠിനാധ്വാനവും നിശ്ചയദാർഢ്യവും കൊണ്ട് അമ്മു നേടിയെടുത്ത റാങ്കിന് പകിട്ട് ഏറെയാണ്.

മണ്ണുത്തി കൈലാസനാഥ വിദ്യാനികേതൻ പബ്ലിക് സ്‌കൂളിലാണ് അമ്മു പഠിച്ചത്. പ്ലസ് വൺ, പ്ലസ് ടു മുതൽ പ്രമുഖ എൻട്രൻസ് പരിശീലന കേന്ദ്രമായ റിജു ആൻഡ് പി.എസ്.കെ. ക്ലാസസിന്റെ തൃശൂർ കേന്ദ്രത്തിൽ അമ്മു പരിശീലനം നേടിവരികയായിരുന്നു. റിജു ആൻഡ് പി.എസ്.കെ. ക്ലാസസിന്റെ തീവ്രമായ പരിശീലനമാണ് തനിക്ക് റാങ്ക് നേടിയെടുക്കാൻ സഹായകരമായതെന്ന് അമ്മു പറഞ്ഞു.

കംപ്യൂട്ടർ എൻജിനീയർ ആകാനാണ് അമ്മുവിന്റെ ആഗ്രഹം. ഐ.ഐ.ടി.യിൽ കംപ്യൂട്ടർ എൻജിനീയറിങ് പഠനത്തിന് പോകാനാണ് അമ്മുവിന്റെ തീരുമാനം. ഫെബ്രുവരി, മാർച്ച്, ജൂലായ്, ഓഗസ്റ്റ് മാസങ്ങളിൽ നടന്ന ജെ.ഇ.ഇ. പരീക്ഷകളിൽ മികച്ച വിജയമാണ് അമ്മു നേടിയത്.

സിവിൽ എൻജിനീയറായ ബാലാനന്ദൻ, തൃശൂർ മെഡിക്കൽ കോളേജിലെ അസോസിയേറ്റ് പ്രൊഫസറായ ഡോ. എം ടി. സുമ, എം.ബി.ബി.എസ്. വിദ്യാർത്ഥിനിയായ സഹോദരി പാർവ്വതി എന്നിവരും സുഹൃത്തുക്കളും പൂർണ്ണ പിന്തുണയാണ് അമ്മുവിന് നൽകിയത്.

ബി. അമ്മു