മഹാരാജാസ് കോളജ് കാമ്പസിൽ നിന്ന് മരം കടത്താൻ ശ്രമം; അനുമതി ഇല്ലാത്ത കടത്ത് തടഞ്ഞ് വിദ്യാർത്ഥികൾ

 കൊച്ചി: മഹാരാജാസ് കോളജ് കാമ്പസിൽനിന്ന് മരം കടത്താനുള്ള ശ്രമം വിദ്യാർത്ഥികൾ തടഞ്ഞു. മുറിച്ചിട്ടിരുന്ന മരമാണ് കടത്താൻ ശ്രമിച്ചത്. മരം കൊണ്ടുപോകാൻ ആർക്കും അനുമതി നൽകിയിട്ടില്ലെന്നും പൊലീസിനെ വിവരം അറിയിച്ചെന്നും പ്രിൻസിപ്പൽ പറഞ്ഞു.

എറണാകുളം ജനറൽ ആശുപത്രിക്ക് എതിർവശത്ത് പുതിയ ലൈബ്രറി ബ്ലോക്കിനടുത്ത് നിർത്തിയിട്ടിരിക്കുന്ന ലോറിയിൽ മരം കയറ്റുന്നതുകണ്ട വിദ്യാർത്ഥികളാണ് സംഘത്തെ തടഞ്ഞത്.

ചോദ്യം ചെയ്തതോടെ അധികൃതരുടെ അനുമതിയുണ്ടെന്നായിരുന്നു മറുപടി. സംശയം തോന്നിയ വിദ്യാർത്ഥികൾ വാഹനം തടഞ്ഞിട്ടു. ഇതിനിടെ ലോറിയിലെത്തിയവർ സ്ഥലത്തുനിന്ന് പിന്മാറി.