ന്യൂസിലാന്റിലെ ഡോക്ടർമാരും അദ്ധ്യാപകരും ഹെൽത്ത് ജീവനക്കാരും ഉടൻ തന്നെ പ്രതിരോധ കുത്തിവയ്പ് എടുക്കണം; ഡിസംബറിനുള്ളിൽ നിർബന്ധിത വാക്‌സിൻ പ്രഖ്യാപിച്ച് രാജ്യം
കൊറോണ വൈറസിനെതിരെ പ്രതിരോധ കുത്തിവയ്പ് എടുക്കാൻ ഉടൻ തന്നെ ആരോഗ്യ പ്രവർത്തകരും അദ്ധ്യാപകരും തയ്യാറാകണമെന്ന് അധികൃതരുടെ മുന്നറിയിപ്പ്. കാരണം തിങ്കളാഴ്ച പ്രഖ്യാപിച്ച പുതിയ വാക്‌സിൻ നയം അനുസരിച്ച, ഡോക്ടർമാർ, ഫാർമസിസ്റ്റുകൾ, കമ്മ്യൂണിറ്റി നഴ്‌സുമാർ, മറ്റ് ആരോഗ്യ പ്രവർത്തകർ എന്നിവരെ ഡിസംബറിനുള്ളിൽ നിർബന്ധമായും പ്രതിരോധ കുത്തിവയ്പ് സ്വീകരി്ച്ചിരിക്കണം.
വിദ്യാഭ്യാസ മേഖലയിലെ അദ്ധ്യാപകരും മറ്റ് തൊഴിലാളികളും ജനുവരിയിൽ പൂർണമായും പ്രതിരോധ കുത്തിവയ്പ് എടുക്കണം.ന്യൂസിലാന്റിന് ഇതിനകം അതിർത്തിയിൽ ജോലി ചെയ്യുന്ന നിരവധി ആളുകൾക്ക് പ്രതിരോധ കുത്തിവയ്‌പ്പ് നിർബന്ധമാക്കിയിരുന്നു. ഇ്‌പ്പോൾ ഓക്ലന്റിലെ കേസുകളിൽ 35 എണ്ണം ആരോഗ്യ അധികാരികൾ റിപ്പോർട്ട് ചെയ്തതിനാൽ വാക്‌സിൻ നിർബന്ധമാണെന്ന് അറിയിക്കുകയായിരുന്നു.
ഓക്ക്‌ലാൻഡ് കുറഞ്ഞത് ഒരാഴ്ചയെങ്കിലും ലോക്ക്ഡൗണിൽ തുടരുമെന്ന്, അതേസമയം സമീപ പ്രദേശങ്ങളായ വൈകാറ്റോ, നോർത്ത്ലാൻഡ് എന്നിവ വ്യാഴാഴ്ച ലോക്ക്ഡൗണിൽ നിന്ന് പുറത്താകുമെന്നും ്പ്രധാനമന്ത്രി അറിയിച്ചു.ഓക്ക്‌ലാൻഡ് ഏകദേശം രണ്ട് മാസമായി ലോക്ക്ഡൗണിലാണ്. മുപ്പത്തിയഞ്ച് പുതിയ പ്രാദേശിക കേസുകൾ തിങ്കളാഴ്ച നഗരത്തിൽ കണ്ടെത്തിയതോടെ കേസുകളുടെ എണ്ണം 1,600 ൽ കൂടുതലായി.
ഏകദേശം 2.38 ദശലക്ഷം ന്യൂസിലാന്റുകാർക്ക് ഇതുവരെ പൂർണ്ണമായ പ്രതിരോധ കുത്തിവയ്‌പ്പ് നൽകിയിട്ടുണ്ട്, അല്ലെങ്കിൽ യോഗ്യരായ ജനസംഖ്യയുടെ ഏകദേശം 57 ശതമാനം എടുത്തു. യോഗ്യരായ ജനസംഖ്യയുടെ 90 ശതമാനം കുത്തിവയ്പ് എടുത്തുകഴിഞ്ഞാൽ ലോക്ക്ഡൗൺ അവസാനിപ്പിക്കുമെന്ന് ഉദ്യോഗസ്ഥർ വാഗ്ദാനം ചെയ്തിട്ടുണ്ട്.
