കൊല്ലം: ആക്രി പെറുക്കാനിറങ്ങി മലവെള്ളത്തിൽ മുങ്ങിപ്പോയ ആളെ പൊലീസെത്തി രക്ഷിക്കുന്നതിന്റെ വീഡിയോ വൈറലാകുന്നു. കൊല്ലം റൂറലിലെ അഞ്ചൽ സ്റ്റേഷൻ പരിധിയിൽ തഴമേൽ ഇത്തിക്കരയാറിനു സമീപം കഴുത്തൊപ്പം വെള്ളത്തിൽ കുടുങ്ങിയ ഒരാളെ രക്ഷിക്കുന്നതാണു വിഡിയോയിൽ.

വെള്ളത്തിൽ വീണ് രണ്ടു മണിക്കൂറിലധികം മരക്കൊമ്പിൽ പിടിച്ചുകിടന്ന തമിഴ്‌നാട് സ്വദേശി മുത്തുവിനെയാണ് അഞ്ചൽ പൊലീസ് രക്ഷിച്ചത്. മലവെള്ളത്തിൽ ഒഴുകിവരുന്ന ആക്രി സാധനങ്ങൾ പെറുക്കാൻ ഇറങ്ങിയപ്പോഴാണു മുത്തു അപകടത്തിൽപ്പെട്ടത്. ആശുപത്രിയിൽ എത്തിച്ച ഇദ്ദേഹം അപകടനില തരണം ചെയ്തതായി പൊലീസ് അറിയിച്ചു. വിഡിയോ ഷെയർ ചെയ്തും കമന്റിട്ടും നിരവധി പേരാണു പൊലീസിനെ അഭിനന്ദിച്ചത്.

പൊലീസ്