സീറോ മലബാർ സഭയുടെ കുടുംബ നവീകരണ ധ്യാനത്തിന് ശനിയാഴ്‌ച്ച തുടക്കം; മൂന്ന് ദിവസങ്ങളിലായി നടക്കുന്ന ധ്യാനത്തിൽ പ്രമുഖ ധ്യാനഗുരുക്കൾ പങ്കെടുക്കും
ഡബ്ലിൻ സീറോ മലബാർ സഭയുടെ കുടുംബ നവീകരണ ധ്യാനം 2021 ഒക്ടോബർ 23,24,25 (ശനി, ഞായർ, തിങ്കൾ) തീയതികളിൽ നടക്കും. ഡബ്ലിൻ ബാലിമൺ റോഡിലുള്ള ഗ്ലാസ്‌നേവിൻ ഔർ ലേഡി ഓഫ് വിക്ടറീസ് ദേവാലയത്തിലാണ് (Our Lady of Victories Catholic Church,Ballymun Rd, Glansevin, Dublin, D09 Y925) ഈവർഷത്തെ ധ്യാനം നടക്കുക. ഉച്ചക്ക് ഒരുമണിക്ക് ആരംഭിച്ച് 6 നു അവസാനിക്കുംവിധമാണ് ധ്യാനം ക്രമീകരിച്ചിരിക്കുന്നത്. ധ്യാനം നടക്കുന്ന മൂന്നു ദിവസവും വിശുദ്ധ കുർബാനക്കും, ആരാധനക്കും, വചന പ്രഘോഷണത്തിനുമൊപ്പം കുമ്പസാരത്തിനുള്ള സൗകര്യവും ഉണ്ടായിരിക്കും.
അദിലാബാദ് ബിഷപ്പ് മാർ ആന്റണി പ്രിൻസ് പാണങ്ങാടൻ, ഷംസ്ഷാബാദ് ബിഷപ്പ് മാർ റാഫേൽ തട്ടിൽ, ശാലോം വേൾഡ് സ്പിരിച്ചൽ ഡയറക്ടർ ഫാ. റോയ് പാലാട്ടി, ഇരിങ്ങാലക്കുട സ്പിരിച്ചാലിറ്റി സെന്റർ ഡയറക്ടർ ഫാ. ജിജി കുന്നേൽ, ഫാ. സെബാസ്റ്റ്യൻ നെല്ലൻകുഴിയിൽ ഒ.സി.ഡി. തുടങ്ങിയ പ്രമുഖ ധ്യാനഗുരുക്കന്മാർ ഈ ധ്യാനത്തിൽ പങ്കുചേരും.
കോവിഡ് നിയന്ത്രണങ്ങൾ പൂർണ്ണമായും പാലിച്ചുകൊണ്ട് നടക്കുന്ന ഈ ധ്യാനത്തിൽ പങ്കെടുക്കുവാൻ ഡബ്ലിൻ സീറോ മലബാർ സഭയുടെ വെബ് സൈറ്റിലെ (www.syromalabar.ie) പാരീഷ് മാനേജ്‌മെന്റ് സിസ്റ്റം (PMS) വഴി രജിസ്റ്റർ ചെയ്യേണ്ടതാണ്. ധ്യാന ദിവസങ്ങളിൽ ഡബ്ലിനിലെ മറ്റു കുർബാന സെന്ററുകളിൽ വിശുദ്ധ കുർബാന ഉണ്ടായിരിക്കുന്നതല്ല.
PMS രജിസ്‌ടേഷൻ ഇല്ലാത്തവർ താഴെക്കൊടുത്തിരിക്കുന്ന ഫോൺ നമ്പറുകളിൽ ബന്ധപ്പെട്ടാൽ പങ്കെടുക്കുവാൻ അവസരം ഒരുക്കുന്നതാണ്. സിജോ കാച്ചപ്പിള്ളി (+353 8731975750) ബിനോയ് ജോസ് (+353 871365145), ബിവിൻ വർഗ്ഗീസ് (+353 873374736), ജോയ് സെബാസ്റ്റ്യൻ (+353 873197575).
ഈ മാഹാമരി കാലഘട്ടത്തിൽ നമ്മെ കത്തുപരിപാലിച്ച ദൈവത്തിനു നന്ദി പറയാൻ, നമ്മുടെ കൂട്ടായ്മയെ ശക്തിപ്പെടുത്താൻ ഈ ധ്യാനത്തിലേയ്ക്ക് ഏവരേയും സ്വാഗതം ചെയ്യുന്നതായ് ഡബ്ലിൻ സീറോ മലബാർ സഭാ നേതൃത്വം അറിയിച്ചു
