വരുന്ന മൂന്ന് വർഷത്തിനുള്ളിൽ ഹൈവേകൾ ഉപയോഗിക്കണമെങ്കിൽ പണം നല്‌കേണ്ടി വരും; മോട്ടോർവേകൾ ടോൾ ഫ്രീ ആക്കിയെങ്കിലും ഡ്രൈവർമാരിൽ നിന്നും പണം ഈടാക്കാൻ സ്‌പെയ്ൻ
സെപ്റ്റംബർ മുതൽ രാജ്യത്തെ മോട്ടർവേകളിൽ ടോൾ പിരിക്കുന്നത് ഒഴിവാക്കിയെങ്കിലും വരുന്ന മൂന്ന് വർഷത്തിനുള്ളിൽ രാജ്യത്തെ ഹൈവേകൾ ഉപയോഗിക്കാൻ പണം നല്‌കേണ്ടി വരുമെന്ന് ഉറപ്പായി. ഹൈവേകളുടെ ഉപയോഗത്തിന് നികുതി ചുമത്തുമെന്ന് സ്പാനിഷ് സർക്കാർ സ്ഥിരീകരിച്ചു. എന്നിരുന്നാലും അവരെ ടോളുകൾ (പീജികൾ) എന്ന് വിളിക്കാൻ സാധിക്കില്ലെന്ന് അധികൃതര് പറയുന്നു.
മോട്ടോർവേകൾ ഉപയോഗിക്കുന്ന ഡ്രൈവർമാർക്ക് കൂടുതൽ നിരക്ക് ഈടാക്കാൻ സർക്കാർ ആഗ്രഹിക്കുന്നുണ്ടെങ്കിലും ടോളുകളേക്കാൾ 'ഉപയോഗത്തിനുള്ള താരിഫ്' എന്നാണ് അവരെ പരാമർശിക്കാൻ ആവശ്യപ്പെട്ടിരിക്കുന്നത്.2024 ൽ പ്രാബല്യത്തിൽ വരുന്ന തരത്തിൽ പുതിയ റോഡ് ചാർജുകൾ നടപ്പിലാക്കാനാണ് സർക്കാർ പദ്ധതിയിട്ടിരിക്കുന്നത്.
ഉയർന്ന ശേഷിയുള്ള റോഡ് ഉപയോഗിക്കുന്നതിന് ഏറ്റവും കുറഞ്ഞ തുക നൽകുന്ന യൂറോപ്പിലെ രാജ്യങ്ങളിലൊന്നാണ് സ്‌പെയിൻ.2022 ലെ സ്പാനിഷ് സർക്കാരിന്റെ ബജറ്റിൽ, സ്പാനിഷ് ഹൈവേകൾ പരിപാലിക്കാൻ 1400 മില്യൺ യൂറോ അനുവദിച്ചിട്ടുണ്ട്.
