ഒമാനിൽ മലയാളി യുവാവ് നിര്യാതനായി; തിരുവനന്തപുരം സ്വദേശിയെ മരണം വിളിച്ചത് ലീവ് കഴിഞ്ഞ് നാട്ടിൽ നിന്നും തിരികെയെത്തിയ ഉടനെ

തിരുവനന്തപുരം കല്ലറ പാറമുകൾ സ്വദേശി അമൽ ഭവനിൽ ജയൻ ശശിധരൻനായരുടെ മകൻ അമൽ രാജ് (24) ഒമാനിൽ നിര്യാതനായി. റുസ്താഖ് സനയ്യയിൽ ഗരേജിൽ ജോലി ചെയ്തുവരികയായിരുന്നു. പതിനഞ്ചു ദിവസങ്ങൾക്ക് മുമ്പാണ് ഇദ്ദേഹം ലീവ് കഴിഞ്ഞ് നാട്ടിൽനിന്നും തിരിച്ചു വന്നത്.

മാതാവ്: ശാലിനി. കോവിഡ് പരിശോധനക്ക് ശേഷം നെഗറ്റീവ് ആണെങ്കിൽ മൃതദേഹം നാട്ടിലേക്ക് കൊണ്ടുപോകാനുള്ള പ്രവർത്തനങ്ങൾ നടന്നുവരുന്നതായി സാമൂഹിക പ്രവർത്തകനും ആക്‌സിഡന്റ്‌സ് ആൻഡ് ഡിമൈസസ് ഒമാൻ പ്രവർത്തകനായ മന്മധൻ അറിയിച്ചു.