അബുദാബിയിലെ അൽ ഐനിൽ നിന്ന് കോഴിക്കോടേക്ക് എയർ ഇന്ത്യ എക്സ്പ്രസ് സർവീസ്

അബുദാബി: അബുദാബിയിലെ അൽ ഐനിൽ നിന്നും കോഴിക്കോടേക്ക് എയർ ഇന്ത്യ എക്സ്പ്രസ് സർവീസ് പുനരാരംഭിക്കുന്നു. 392 ദിർഹം മുതലാണ് ടിക്കറ്റ് നിരക്ക്. കോവിഡ് മൂലം നിർത്തിവെച്ചിരുന്ന സർവീസ് നവംബർ നാലു മുതലാണ് പുനരാരംഭിക്കുക.

വ്യാഴാഴ്ചകളിൽ യുഎഇ സമയം ഉച്ചയ്ക്ക് 1.25ന് അൽ ഐനിൽ നിന്ന് പുറപ്പെടുന്ന വിമാനം ഇന്ത്യൻ സമയം വൈകിട്ട് 6.45ന് കരിപ്പൂരിലെത്തും. അവിടെ നിന്നും തിരികെ രാവിലെ 10ന് പുറപ്പെടുന്ന വിമാനം ഉച്ചയ്ക്ക് 12.25നാണ് അൽ ഐനിലെത്തുക.