ഒമാനിൽ ഹൃദയാഘാതം മൂലം മരിച്ചത് പാലക്കാട് സ്വദേശിയായ യുവാവ്; ഇരുപത്തിമൂന്ന് വയസുകാരന്റെ അപ്രതീക്ഷിത വിയോഗത്തിൽ നടുങ്ങി പ്രവാസി സമൂഹം

ഇരുപത്തിമൂന്ന് വയസുകാരന്റെ അപ്രതീക്ഷിത വിയോഗം വിശ്വസിക്കാനാവാതെ കഴിയുകയാണ് ഒമാനിലെ പ്രവാസി സമൂഹം. പാലക്കാട് മണ്ണാർക്കാട് നയടിക്കുന്നിൽ അനോടാൻ ഹോക്സിൽ അബ്ദുൽ നാസറിന്റെ മകൻ മുഹമ്മദ് സുഹൈൽ (23) ആണ് ഒമാനിലെ സാഹത്തിൽ ഹൃദയാഘാതം മൂലം മരണപെട്ടത്. ഇവിടെ ഒരു സ്വകാര്യ കമ്പനിയിലെ ജീവനക്കാരനായിരുന്നു.

മാതാവ്: സകീന. സഹോദരങ്ങൾ: ഷാഹിന നൗഷാദ്, ഷഹനാസ് അബ്ദു പുനപ്പള്ള. മൃതദേഹം കോവിഡ് പരിശോധനക്ക് ശേഷം നെഗറ്റീവ് ആണെങ്കിൽ നാട്ടിലേക്ക് അയക്കുമെന്ന് സഹോദരി ഭർത്താവ് നൗഷാദ് അറിയിച്ചു.