നാട്ടിലേക്ക് പ്രവാസി ഇന്ത്യക്കാരുടെ യാത്ര; ആകർഷകമായ ഓഫറുമായി എയർ അറേബ്യ

അബുദാബി: നാട്ടിലേക്ക് യാത്ര ചെയ്യാൻ ഒരുങ്ങുന്ന പ്രവാസി ഇന്ത്യക്കാർക്ക് ആകർഷകമായ ഓഫറുമായി അബുദാബിയുടെ ചെലവ് കുറഞ്ഞ വിമാന കമ്പനിയായ എയർ അറേബ്യ അബുദാബി. ഇന്ത്യയിലെ വിവിധ നഗരങ്ങളിലേക്കുള്ള യാത്രയ്ക്ക് 499 ദിർഹം മുതലാണ് ടിക്കറ്റ് നിരക്ക് പ്രഖ്യാപിച്ചിരിക്കുന്നത്.

കൊച്ചി, കോഴിക്കോട്, തിരുവനന്തപുരം വിമാനത്താവളങ്ങളിലേക്ക് നേരിട്ടുള്ള സർവീസുകളും ഉണ്ടാകുമെന്ന് വിമാന കമ്പനി വ്യക്തമാക്കി. നവംബർ ആദ്യ വാരമാണ് എയർ അറേബ്യ അബുദാബി സർവീസ് തുടങ്ങുന്നത്. കേരളത്തിലേക്കുള്ള സർവീസുകൾക്ക് 499 ദിർഹം മുതലാണ് ടിക്കറ്റ് നിരക്ക് തുടങ്ങുന്നത്.

നവംബർ മൂന്നിന് രാത്രി 10.55ന് അബുദാബിയിൽ നിന്ന് കൊച്ചിയിലേക്കാണ് ആദ്യ സർവീസ്. നവംബർ അഞ്ചിന് രാത്രി 11.30ന് കോഴിക്കോട്ടേക്കും നവംബർ 16ന് ഉച്ചയ്ക്ക് 1.15ന് തിരുവനന്തപുരത്തേക്കും സർവീസുകൾ ഉണ്ടാകും. എന്ന വെബ്സൈറ്റ് വഴി ടിക്കറ്റുകൾ ബുക്ക് ചെയ്യാം.