എഎഫ്‌സി അണ്ടർ 23 ഫുട്‌ബോൾ യോഗ്യതാ മത്സരം; പെനൽറ്റി ഷൂട്ടൗട്ടിൽ കിർഗിസ്ഥാനെ കീഴടക്കി ഇന്ത്യ; ഷൂട്ടൗട്ടിൽ ജയം 4-2ന്

ദുബായ്: എഎഫ്‌സി അണ്ടർ 23 ഫുട്‌ബോൾ യോഗ്യതാ മത്സരത്തിൽ ഇന്ത്യക്ക് ജയം. പെനൽറ്റി ഷൂട്ടൗട്ടിൽ കിർഗിസ്ഥാനെ ഇന്ത്യൻ യുവനിര പരാജയപ്പെടുത്തി.

മുഴുവൻ സമയം ഗോൾരഹിതമായതോടെ ഗ്രൂപ്പ് ഇയിലെ രണ്ടാം സ്ഥാനക്കാരെ നിർണയിക്കാനായി പെനൽറ്റി ഷൂട്ടൗട്ടിലേക്കു കടക്കുകയായിരുന്നു. ഷൂട്ടൗട്ടിൽ 4-2ന് ആയിരുന്നു ഇന്ത്യയുടെ ജയം. രണ്ട് പെനാൽറ്റി കിക്കുകൾ രക്ഷിച്ച ധീരജ് സിംഗാണ് ഹീറോ.

കിർഗിസ്ഥാൻ വ്യക്തമായ മേധാവിത്വം പുലർത്തിയ നിശ്ചിത സമയത്തു നിരവധി നിർണായക സേവുകൾ നടത്തിയ ധീരജ് രക്ഷകനായി. യുഎഇയാണ് ഗ്രൂപ്പ് ജേതാക്കൾ. എന്നാൽ, ഈ ജയത്തോടെ ഇന്ത്യക്ക് ഫൈനൽ റൗണ്ട് ഉറപ്പിക്കാനായില്ല.