ദോഹ : ഖത്തറിൽ പ്രവാസികളായി സുഹൃത്തുക്കൾ ചേർന്ന് നിർധനരായ ഒരു കുടുംബത്തിന് വീട് നിർമ്മിച്ച് നൽകി. പതിനൊന്നംഗങ്ങളുടെ കൂട്ടായ്മയായ ചേട്ടായീസ് ഗ്രൂപ്പാണ് ഐരാപുരത്തെ ഒരു കുടുംബത്തിന് വീട് നിർമ്മിച്ച് നൽകിയത്. 2010 ആരംഭിച്ച ഈ കൂട്ടായ്മ ഇതിനോടകം തന്നെ നിരവധി ജീവകാരുണ്യ പ്രവർത്തനങ്ങൾ നടത്തിയിട്ടുണ്ട്.

കെപിസിസിയുടെ നേതൃത്വത്തിലുള്ള ആയിരം വീട് നിർമ്മാണ പദ്ധതിയിൽ ഉൾപ്പെടുത്തി പണിയുന്ന വീടിന്റെ താക്കോൽ കൈമാറൽ ചടങ്ങിൽ പ്രതിപക്ഷ നേതാവ് വി.ഡി. സതീശൻ, കെപിസിസി വൈസ് പ്രസിഡന്റ് വി.പി സജീന്ദ്രൻ, എറണാകുളം ഡി.സി.സി പ്രസിഡന്റ് മുഹമ്മദ് ഷിയാസ്, കെപിസിസി നിർവാഹക സമിതി അംഗം ജയ്സൺ ജോസഫ്, ഇന്ത്യൻ നാഷണൽ കോൺഗ്രസ് ഐരാപുരം മണ്ഡലം പ്രസിഡന്റ് കെ.വി എൽദോ, ചേട്ടായീസ് പ്രതിനിധി ജെബി കെ ജോൺ എന്നിവർ പങ്കെടുത്തു.

ജെബി കെ ജോൺ, മനു സ്‌ക്കറിയ, അജേഷ് മർക്കോസ്, മിഥുൻ ചെറിയാൻ, ഷിബു മർക്കോസ്, ബൈജു മാത്യു, ജിമേഷ് ജോൺ, തമ്പി തോമസ്, ബേസിൽ ജോയി, ഇ.വി സജിമോൻ, ബിനു മാത്യൂ എന്നിവരാണ് കൂട്ടായ്മയിലെ അംഗങ്ങൾ.

 

വീട്