ബലൂചിസ്താനിൽ ബോംബ് സ്ഫോടനം; പതിമൂന്ന് പേർക്ക് പരിക്ക്; ബോംബ് ഘടിപ്പിച്ചിരുന്നത് മോട്ടോർബൈക്കിൽ

ഇസ്ലാമാബാദ്: പാക്കിസ്ഥാനിലെ ബലൂചിസ്താനിൽ ബോംബ് സ്ഫോടനം. ഖരാൻ ജില്ലയിലാണ് ആക്രമണമുണ്ടായത്. പതിമൂന്നോളം പേർക്ക് പരിക്കേറ്റു. നാല് പേരുടെ നില അതീവ ഗുരുതരമാണ്. ഇവരെ ക്വിറ്റയിലെ ആശുപത്രിയിലും ശേഷിക്കുന്നവരെ ഖരാനിലെ ചികിത്സാ കേന്ദ്രത്തിലേക്കും മാറ്റി.

മോട്ടോർബൈക്കിൽ ഘടിപ്പിച്ചിരുന്ന ബോംബാണ് പൊട്ടിത്തെറിച്ചത്. സുരക്ഷാസേനയുടെ വാഹനം കടന്നുപോയതിന്റെ തൊട്ടുപിന്നാലെയാണ് സ്ഫോടനം ഉണ്ടായത്.