നവാഗത സംവിധായികയായ സീമ ശ്രീകുമാർ ഒരുക്കുന്ന 'ഒരു കനേഡിയൻ ഡയറി' എന്ന ചിത്രത്തിലെ പുതിയ ഗാനം ഇന്ന് വൈകിട്ട് അഞ്ചു മണിക്ക് റിലീസ് ചെയ്തു. വിദ്യാധരൻ മാസ്റ്ററുടെ ഫേസ്‌ബുക്ക് പേജിലൂടെയാണ് ഗാനം റിലീസ് ചെയ്തത്. കൂടാതെ സംഗീത സംവിധായകൻ ശരത്, പ്രോഡക്ഷൻ കൺട്രോളർ ബാദുഷ, ഗായകൻ ഉണ്ണിമേനോൻ, അഭിനേതാക്കളായ കൈലാഷ്, കലാഭവൻ നവാസ്, എഴുത്തുകാരി കെ പി സുധീര, സംവിധായകൻ ബഷീർ എന്നിവരും ഗാനം തങ്ങളുടെ ഫേസ്‌ബുക്ക് പേജിലൂടെ പങ്കു വെച്ചു.

ഉണ്ണിമേനോനും സംവിധായിക സീമ ശ്രീകുമാറും ചേർന്ന് ആലപിച്ചിരിക്കുന്ന 'കുറ്റാലം കുളിരുണ്ട്' എന്ന് തുടങ്ങുന്ന ഗാനമാണ് പുറത്തു വന്നിരിക്കുന്നത്. കെ.എ ലത്തീഫ് ചിട്ടപ്പെടുത്തിയ സംഗീതത്തിന് വരികൾ എഴുതിയിരിക്കുന്നത് ശിവകുമാർ വാരിക്കരയാണ്.

80 ശതമാനത്തിലേറെ കാനഡയിൽ വച്ച് ചിത്രീകരിച്ച ചിത്രം ഡിസംബറിലാകും തിയേറ്റർ റിലീസായി പ്രേക്ഷകരിലേക്ക് എത്തുക. പുതുമുഖങ്ങളായ പോൾ പൗലോസ്, ജോർജ് ആന്റണി, സിംറാൻ, പൂജ സെബാസ്റ്റ്യൻ എന്നിവരാണ് പ്രധാന വേഷത്തിലെത്തുന്നത്. ശ്രീം പ്രൊഡക്ഷന്റെ ബാനറിൽ എം.വി ശ്രീകുമാറാണ് ചിത്രത്തിന്റെ ഛായാഗ്രഹണവും നിർമ്മാണവും നിർവ്വഹിച്ചിരിക്കുന്നത്.

പുതുമുഖ അഭിനേതാക്കൾക്കും ഗായകർക്കുമൊപ്പം മലയാളത്തിലെ ഹാസ്യതാരങ്ങളും പിന്നണി ഗായകന്മാരായ ഉണ്ണിമേനോൻ , മധു ബാലകൃഷ്ണൻ, വെങ്കി അയ്യർ ,കിരൺ കൃഷ്ണൻ , രാഹുൽ കൃഷ്ണൻ , മീരാ കൃഷ്ണൻ എന്നിവരും ചിത്രത്തിന്റെ ഭാഗമാകുന്നുണ്ട്. എക്സിക്യൂട്ടിവ് പ്രൊഡ്യൂസർ-കൃഷണകുമാർ പുറവൻകര , അസോസിയേറ്റ് ഡയറക്ടർ- ജിത്തു ശിവൻ, അസി.ഡയറക്ടർ- പ്രവിഡ് എം, പശ്ചാത്തല സംഗീതം- ഹരിഹരൻ എം.ബി,സൗണ്ട് എഫക്ട്- ധനുഷ് നായനാർ, എഡിറ്റിങ്ങ് - വിപിൻ രവി, പ്രൊഡക്ഷൻ കൺട്രോളർ- സുജയ് കുമാർ.ജെ.എസ്സ്.

ഗാനത്തിന്റെ ലിങ്ക് ചുവടെ ചേർക്കുന്നു.
https://youtu.be/_m7mqQMLNTM

 

ഒരു കനേഡിയൻ ഡയറി