ഡിസംബർ 26 മുതൽ ബസ്, ട്രെയിൻ നിരക്കുകൾ 2.2 ശതമാനം വർധിക്കുമെന്ന് പബ്ലിക് ട്രാൻസ്പോർട്ട് കൗൺസിൽ അറിയിച്ചു. അതായത് അടുത്ത മാസം അവസാനത്തോടെ യാത്രക്കാരിൽ കാർഡ് മുഖേനയുള്ളവരുടെ യാത്രാക്കൂലി അടയ്ക്കുന്ന മുതിർന്നവർക്ക് 3 മുതൽ 4 സെന്റ് വരെ നിരക്ക് വർദ്ധനയും മുതിർന്നവർ, വിദ്യാർത്ഥികൾ, വികലാംഗർ, കുറഞ്ഞ കൂലിയുള്ള തൊഴിലാളികൾ എന്നിവർക്ക് ഇളവുള്ള നിരക്കുകളിൽ 1 സെന്റ് വർദ്ധനയും ആയിരിക്കും ഉണ്ടാകുക.

എന്നാൽ ക്യാഷ് നിരക്കുകൾ, സിംഗിൾ ട്രിപ്പ് ടിക്കറ്റുകൾ, പ്രതിമാസ ഇളവുകൾ, യാത്രാ പാസുകൾ എന്നിവയുടെ നിരക്കുകൾ മാറ്റമില്ലാതെ തുടരുമെന്നും അറിയിച്ചിട്ടുണ്ട്.14.2 കിലോമീറ്റർ വരെയുള്ള യാത്രകൾക്ക് മുതിർന്നവർക്കുള്ള നിരക്ക്, ഉദാഹരണത്തിന് സെങ്കാങ്ങിൽ നിന്ന് റാഫിൾസ് പ്ലേസിലേക്കുള്ള ട്രെയിൻ യാത്രയ്ക്ക് 3 സെന്റ് കൂടും അതായത് 14.2 കിലോമീറ്ററിൽ കൂടുതലുള്ള യാത്രകൾക്ക് മുതിർന്നവർക്കുള്ള നിരക്ക് 4 സെന്റ് വർധിപ്പിക്കും.

കഴിഞ്ഞ ഏപ്രിൽ, മെയ് മാസങ്ങളിൽ കോവിഡ് സർക്യൂട്ട് ബ്രേക്കർ കാലയളവിൽ പൊതുഗതാഗത യാത്രക്കാരുടെ എണ്ണം പകർച്ചവ്യാധിക്ക് മുമ്പുള്ള നിലയുടെ 25 ശതമാനമായി കുറഞ്ഞു.കഴിഞ്ഞ വർഷം മുഴുവനും, ബസുകളുടെയും ട്രെയിനുകളുടെയും ശരാശരി പ്രതിദിന യാത്രക്കാരുടെ എണ്ണം യഥാക്രമം 30 ശതമാനവും ഏതാണ്ട് 40 ശതമാനവും കുറഞ്ഞു.

ട്രെയിൻ നിരക്കുകൾബസ്