പാലക്കാട്: കൽപ്പാത്തിയിലെ പ്രസിദ്ധമായ രഥോത്സവത്തിന് അനുമതി നിഷേധിച്ച് പാലക്കാട് ജില്ലാ ഭരണകൂടം. ഉത്സവത്തിലെ ലോകപ്രശസ്തമായ രഥപ്രയാണം ഒഴിവാക്കി ചടങ്ങ് മാത്രമായി ഉത്സവം നടത്തണമെന്നാണ് കളക്ടറുടെ നിർദ്ദേശം.

കാളയെക്കൊണ്ട് വലിക്കുന്ന ചെറിയ രഥങ്ങളേ ഉത്സവത്തിന് ഉപയോഗിക്കൂ.ഇതോടെ രഥോത്സവം ചടങ്ങ് മാത്രമാകും. വലിയ രഥങ്ങൾക്ക് അനുമതിയില്ല.

ക്ഷേത്രത്തിൽ പരമാവധി 100 പേർക്കും അഗ്രഹാര വീഥിയിൽ 200 പേർക്കും പങ്കെടുക്കാമെന്നാണ് മുൻപ് അനുമതി നൽകിയത്.രഥപ്രയാണത്തിന് 200 പേരെ പങ്കെടുപ്പിച്ച് നടത്താൻ അനുമതിയില്ല. ജില്ലാ ഭരണകൂടത്തിന്റെ നടപടിയിൽ കടുത്ത പ്രതിഷേധമാണ് രഥോത്സവ ഭരണസമിതിക്കുള്ളത്.

നവംബർ 14 മുതൽ 16 വരെയാണ് ഇത്തവണ രഥോത്സവം നടക്കേണ്ടത്. കോവിഡ് സാഹചര്യം മൂലം കഴിഞ്ഞ വർഷം ചടങ്ങായാണ് ഉത്സവം നടന്നത്.

രഥോത്സവ കമ്മിറ്റി, മലബാർ ദേവസ്വം എന്നിവയും പാലക്കാട് എംഎൽഎയും രഥോത്സവം നടത്താൻ ദേവസ്വം വകുപ്പിൽ അനുമതിക്ക് അപേക്ഷിച്ചിരുന്നു. എന്നാൽ ഉത്സവത്തിലെ പ്രധാന ആകർഷണമായ രഥോത്സവത്തിനാണ് ഇപ്പോൾ അനുമതി നിഷേധിച്ചിരിക്കുന്നത്.

അനുമതിയില്ലകൽപ്പാത്തി രഥോത്സവംപ്രതിഷേധം

മറുനാടന്‍ മലയാളി

    മറുനാടന്‍ മലയാളി ബ്യൂറോ