മലപ്പുറം: മൊബൈൽ ഫോൺ നന്നാക്കുന്നതിനിടെ പൊട്ടിത്തെറിച്ച് യുവാവിന് പരിക്കേറ്റു. കേടായ മൊബൈലിന്റെ തകരാർ പരിഹരിക്കുമ്പോൾ പൊട്ടിത്തെറിച്ച് കൈക്ക് പൊള്ളലേൽക്കുക ആയിരുന്നു. കോലൊളമ്പ് ബോംബെപടി സ്വദേശി തഹീർ (24) ആണ് പരിക്കേറ്റതിനെ തുടർന്ന് ചികിത്സ തേടിയത്. മൊബൈൽ ടെക്‌നിഷ്യൻ ആയ തഹീർ കഴിഞ്ഞ ദിവസം കേടായ മൊബൈൽ ഫോൺ വീട്ടിൽവച്ച് അഴിച്ച് സ്‌ക്രൂ ഡ്രൈവർ ഉപയോഗിച്ച് ബാറ്ററിയുടെ അടി വശത്തെ പശ എടുത്തു മാറ്റുമ്പോൾ പൊട്ടിത്തെറിച്ച് തീ പിടിക്കുകയായിരുന്നു. കൈയിൽ സാരമായി പൊള്ളലേറ്റു.

 

പൊട്ടിത്തെറിച്ചുമൊബൈൽ ഫോൺ