വാക്സിനെടുക്കാത്തവർക്കും ഹോട്ടൽ ക്വാറന്റീൻ ഒഴിവാക്കി ബഹ്റൈൻ; റെഡ് ലിസ്റ്റ് രാജ്യങ്ങളുടെ പട്ടിക ഒഴിവാക്കും

മനാമ: കോവിഡ് വാക്സിൻ സ്വീകരിക്കാതെ ബഹ്റൈനിലെത്തുന്നവർക്കുള്ള നിർബന്ധിത ഹോട്ടൽ ക്വാറന്റീൻ ഒഴിവാക്കി. നവംബർ 14 മുതൽ പുതിയ തീരുമാനം പ്രാബല്യത്തിൽ വരും. സിവിൽ ഏവിയേഷൻ അഫയേഴ്സാണ് ഇക്കാര്യം അറിയിച്ചത്.

റെഡ് ലിസ്റ്റ് രാജ്യങ്ങളുടെ പട്ടിക ഒഴിവാക്കാനും തീരുമാനമായി. ഇനി മുതൽ ഈ പട്ടിക ഉണ്ടാകില്ല. എന്നാൽ മറ്റ് കോവിഡ് മുൻകരുതൽ, പ്രതിരോധ നിർദ്ദേശങ്ങൾ തുടരുമെന്ന് അധികൃതർ വ്യക്തമാക്കി.

വാക്‌സിനെടുക്കാതെ ബഹ്‌റൈനിലെത്തുന്ന യാത്രക്കാർ നാഷണൽ ഹെൽത്ത് റെഗുലേറ്ററി അഥോറിറ്റിയുടെ ലൈസൻസുള്ള നിർദ്ദിഷ്ട ക്വാറന്റീൻ കേന്ദ്രങ്ങൾക്ക് പകരം സ്വന്തം താമസസ്ഥലത്ത് 10 ദിവസം ക്വാറന്റീനിൽ കഴിഞ്ഞാൽ മതിയാകും.