പ്രവിശ്യയിലുണ്ടായ കനത്ത മഴയിലും തുടർന്നുണ്ടായ വെള്ളപ്പൊക്കത്തെത്തുടർന്ന് ബ്രിട്ടീഷ് കൊളംബിയയിൽ പ്രധാനമന്ത്രി ബുധനാഴ്ച അടിയന്തരാവസ്ഥ പ്രഖ്യാപിച്ചു. വരും ദിവസങ്ങളിൽ കൂടുതൽ മരണങ്ങൾ പ്രതീക്ഷിക്കുന്നതായി അദ്ദേഹം പറഞ്ഞു. കനത്ത മഴയും ശക്തമായ കാറ്റും വെള്ളപ്പൊക്കവും മണ്ണിടിച്ചിലും പ്രവിശ്യയിലെ മുഴുവൻ സമൂഹങ്ങളെയും ദുരിതത്തിലാക്കിയിരിക്കുകയാണ്.ആയിരക്കണക്കിന് ആളുകൾ വീടുകളിൽ നിന്ന് മാറ്റിപ്പാർപ്പിച്ചിരിക്കുകയാണ്.

റെക്കോർഡ് ഭേദിച്ച മഴ വലിയ വെള്ളപ്പൊക്കത്തിനും മണ്ണിടിച്ചിലിനും കാരണമായതിനെത്തു ടർന്ന് ലോവർ മെയിൻലാൻഡിലെ നൂറുകണക്കിന് ആളുകളെ ഒറ്റപ്പെട്ട അവസ്ഥയിലാണ്. മാത്രമല്ല അവശ്യ സേവനങ്ങളും തടസപ്പെട്ട . റോഡ് അടച്ചിടൽ വിതരണ ശൃംഖലയെ തടസ്സപ്പെടുത്തിയതിനാൽ, ചരക്ക് നീക്കാൻ ഇളവുകൾ നൽകുമെന്ന് പ്രധാനമന്ത്രി പറഞ്ഞു.

വെള്ളപ്പൊക്കത്തെത്തുടർന്ന് വടക്കുകിഴക്കൻ മെറിറ്റ് നഗരംമായ വാൻകൂവറിൽ ജനങ്ങളെ ഒഴിപ്പിക്കാൻ നിർബന്ധിതരായിരിക്കുകയാണ്. ഒരാഴ്ചയോ അതിൽ കൂടുതലോ നഗരം വിട്ടു മാറി താമസിക്കേണ്ടി വരുമെന്ന് ഉദ്യോഗസ്ഥർ പറഞ്ഞു.

ബി.സി.യുടെ ഹൈവേ 99 ന്റെ ഒരു ഭാഗത്ത് മണ്ണിടിഞ്ഞ് വീണ് ആയിരക്കണക്കിന് ആളുകളെ മാറ്റിപ്പാർപ്പിച്ചു. ഒരു മരണം റിപ്പോർട്ട് ചെയ്തു രണ്ടുപേരെ കാണാതായി .വരും ദിവസങ്ങളിൽ കൂടുതൽ മരണങ്ങൾ സ്ഥിരീകരിക്കുമെന്ന് പ്രതീക്ഷിക്കുന്നതായി ഹോർഗൻ പറഞ്ഞു.
അടിയന്തരാവസ്ഥ 14 ദിവസത്തേക്ക് പ്രാബല്യത്തിൽ ഉണ്ട്. ആവശ്യമെങ്കിൽ അത് നീട്ടാനുള്ള സാധ്യതയുണ്ട്.റെയിൽ, റോഡ് പാതകൾ പുനഃസ്ഥാപിക്കുന്നതിനും പ്രവർത്തന ക്ഷമമാക്കുന്നതിനും സർക്കാരിനെ സഹായിക്കാനാണ് ഇത് ഉദ്ദേശിക്കുന്നത്.

ലോക്കൽ പൊലീസ്, ഫയർ ആൻഡ് സെർച്ച് ആൻഡ് റെസ്‌ക്യൂ ടീമുകളുടെ പിന്തുണയോടെ ഒറ്റരാത്രികൊണ്ട് 184 പേരെ സുമാസ് പ്രേരി പ്രദേശത്ത് നിന്ന് രക്ഷപ്പെടുത്തിയതായി അബോട്ട്‌സ്‌ഫോർഡ് സിറ്റി അധികൃതർ ബുധനാഴ്ച രാവിലെ പറഞ്ഞു. ചില്ലിവാക്കിൽ, 640 ഒഴിപ്പിക്കലുകൾ ഇതിനകം അടിയന്തര സ്വീകരണ കേന്ദ്രത്തിൽ രജിസ്റ്റർ ചെയ്തിട്ടുണ്ടെന്ന് ഉദ്യോഗസ്ഥർ പറയുന്നു.

 

ബ്രിട്ടീഷ് കൊളംബിയ മഴ