കഞ്ചാവ് വിൽപ്പനയ്ക്കിടെ യുവാവ് പിടിയിൽ

തൃശൂർ: കഞ്ചാവ് വിൽപ്പനയ്ക്കിടെ യുവാവ് പിടിയിൽ. നിരവധി കേസിലെ പ്രതിയായ സുജിത്തിനെയാണ് (31) ഈസ്റ്റ് പൊലീസും ലഹരിവിരുദ്ധ സംഘവും ചേർന്ന് ചെമ്പുക്കാവ് നിന്നും അറസ്റ്റ് ചെയ്തത്.

പെരിങ്ങാവ്, ചെമ്പുക്കാവ് ഏരിയകളിൽ കഞ്ചാവ് സ്ഥിരമായി വിൽപ്പന നടത്തുന്നു എന്ന രഹസ്യ വിവരത്തിന്റെ അടിസ്ഥാനത്തിൽ നടത്തിയ അന്വേഷണത്തിലാണ് പ്രതി പിടിയിലായത്. സിറ്റി പൊലീസ് കമ്മീഷണർ ആർ ആദിത്യ നൽകിയ നിർദേശത്തെ തുടർന്നായിരുന്നു അന്വേഷണം.

കഞ്ചാവ് ആവശ്യക്കാർക്ക് ചെറു പൊതികളാക്കി വിൽക്കുകയാണ് ഇയാളുടെ രീതി. ഇയാളിൽ നിന്നും വിൽപ്പനയ്ക്കായി കൊണ്ടുവന്നിരുന്ന ഒന്നേകാൽ കിലോ കഞ്ചാവ് പൊലീസ് കണ്ടെടുത്തു.