'ഇതൊക്കെ ചാടിക്കടന്നവനാണീ.....'; ഇരുമ്പു കൊണ്ടുള്ള വേലി അനായാസം ചാടിക്കടന്ന് കാട്ടുകൊമ്പൻ; വിഡിയോ വൈറൽ

മൈസൂരു: കർണാടകയിൽ ഇരുമ്പു കൊണ്ടുള്ള വേലി ചാടിക്കടക്കുന്ന കാട്ടുകൊമ്പനാണ് ഇപ്പോൾ സമൂഹ മാധ്യമങ്ങളിലെ താരം!. വേലി കെട്ടി ആനകളെ തടഞ്ഞു നിർത്താമെന്ന പ്രതീക്ഷയാണ് ഇതോടെ ഇല്ലാതായത്.

വേലി ചാടിക്കടക്കാനുള്ള കാട്ടാനയുടെ ശ്രമം വിഫലമാകുമെന്നു തുടക്കത്തിൽ തോന്നുമെങ്കിലും, ഏവരെയും അമ്പരപ്പിച്ചുകൊണ്ട് കാട്ടാന വേലി ചാടിക്കടക്കുന്ന വിഡിയോയാണു സമൂഹ മാധ്യമങ്ങളിൽ വൈറലാകുന്നത്.

Speechless ???? #elephants pic.twitter.com/6S1WJqEkZS

- Supriya Sahu IAS (@supriyasahuias) November 17, 2021

'വാക്കുകൾ കിട്ടുന്നില്ല' എന്ന തലക്കെട്ടോടെ ഐഎഎസ് ഉദ്യോഗസ്ഥ സുപ്രിയ സാഹുവാണ് ഇതിന്റെ വിഡിയോ ദൃശ്യങ്ങൾ ട്വിറ്ററിൽ പങ്കുവച്ചത്.

മൈസൂരുവിനു സമീപമുള്ള നാഗ്രഹോളിലാണു സംഭവം. നവംബർ 16നു പുലർച്ചെ തീറ്റ തേടിയെത്തിയ കൊമ്പന്റെ ദൃശ്യങ്ങളാണിതെന്നു നാഗ്രഹോൾ കടുവാ സംരക്ഷണ കേന്ദ്രം ഡയറക്ടർ മഹേഷ് കുമാർ ദേശീയ മാധ്യമങ്ങളോടു പറഞ്ഞു.