ബന്ന ചേന്ദമംഗല്ലൂരിന് ഖത്തറിലെ ഇന്ത്യൻ സമൂഹത്തിന്റെ ആദരം

ദോഹ : വിജയമന്ത്രങ്ങൾ, കഥാശ്വാസം തുടങ്ങിയ ശ്രദ്ധേയമായ മലയാളം പോഡ്കാസ്റ്റുകളിലൂടെ സഹൃദയ ശ്രദ്ധ നേടിയ അദ്ധ്യാപകനും കലാകാരനുമായ ബന്ന ചേന്ദമംഗല്ലൂരിനെ ഖത്തറിലെ ഇന്ത്യൻ സമൂഹത്തിന്റെ ആദരിച്ചു.

ഇന്ത്യൻ കൾചറൽ സെന്റർ ഓഡിറ്റോറിയത്തിൽ നടന്ന ചടങ്ങിൽ ഐ.സി.സി. പ്രസിഡണ്ട് പി.എൻ ബാബുരാജൻ, അക്കോൺ ഹോൾഡിങ് ഗ്രൂപ്പ് ചെയർമാൻ ഡോ. ശുക്കൂർ കിനാലൂർ എന്നിവർ ബന്ന ചേന്ദമംഗല്ലൂരിന് യൂണിവേർസൽ റിക്കോർഡ് ഫോറത്തിന്റെ മെമന്റോയും ഷാളും സമ്മാനിച്ചു.

ഖത്തർ ഇന്ത്യൻ ഓതേർസ് ഫോറം പ്രസിഡണ്ട് ഡോ. കെ.സി. സാബു, റേഡിയോ മലയാളം സിഇഒ. അൻവർ ഹുസൈൻ, ഉണ്ണികൃഷ്ണൻ ചടയമംഗലം, കെയർ ആൻഡ് ക്യൂവർ ഗ്രൂപ്പ് ചെയർമാൻ ഇ.പി. അബ്ദുറഹിമാൻ, ഡോം ഖത്തർ പ്രസിഡന്റ് മശ്ഹൂദ് തിരുത്തിയാട്, കേരള ലോക സഭ അംഗം അബ്ദുൽ റഊഫ് കൊണ്ടോട്ടി, ഐ.സി.സി. യൂത്ത് വിങ് അംഗം അബ്ദുല്ല പൊയിൽ, ക്യൂടെക് മാനേജിങ് ഡയറക്ടർ റഷീദ് അറക്കൽ, കലാകാരന്മാരായ ഇഖ്ബാൽ ചേറ്റുവ, ബാവ വടകര, റഫീഖ് ചെറുകാരി, ബന്ന ചേന്ദമംഗല്ലൂർ എന്നിവർ സംസാരിച്ചു.